نظر ملا کے ذرا دیکھ مت جھکا آنکھیں
نظر ملا کے ذرا دیکھ مت جھکا آنکھیں بڑھا رہی ہیں نگاہوں کا حوصلہ آنکھیں جو دل میں عکس ہے آنکھوں سے بھی وہ چھلکے گا دل آئینہ ہے مگر دل کا آئنا آنکھیں وہ اک ستارہ تھا جانے کہاں گرا ہوگا خلا میں ڈھونڈ رہی ہیں نہ جانے کیا آنکھیں غم حیات نے فرصت نہ دی ٹھہرنے کی پکارتی ہی رہی ہیں مجھے سدا آنکھیں یہ اس کا طرز تخاطب بھی خوب ہے محسنؔ رکا رکا سا تبسم خفا خفا آنکھیں
English rendering
Nazar mila ke zara dekh mat jhuka aankhen Barha rahi hain nigahon ka hausla aankhen Jo dil mein aks hai aankhon se bhi woh chhalke ga Dil aaina hai magar dil ka aaina aankhen Woh ek sitara tha jaane kahan gira hoga Khala mein dhoondh rahi hain na jaane kya aankhen Gham-e-hayat ne fursat na di theharne ki Pukarti hi rahi hain mujhe sada aankhen Yeh us ka tarz-e-takhātub bhi khoob hai Mohsin! Ruka ruka sa tabassum khafa khafa aankhen