یوں ہی تو شاخ سے پتے گرا نہیں کرتے
یوں ہی تو شاخ سے پتے گرا نہیں کرتے بچھڑ کے لوگ زیادہ جیا نہیں کرتے جو آنے والے ہیں موسم انہیں شمار میں رکھ جو دن گزر گئے ان کو گنا نہیں کرتے نہ دیکھا جان کے اس نے کوئی سبب ہوگا اسی خیال سے ہم دل برا نہیں کرتے وہ مل گیا ہے تو کیا قصۂ فراق کہیں خوشی کے لمحوں کو یوں بے مزا نہیں کرتے نشاط قرب غم ہجر کے عوض مت مانگ دعا کے نام پہ یوں بد دعا نہیں کرتے منافقت پہ جنہیں اختیار حاصل ہے وہ عرض کرتے ہیں تجھ سے گلہ نہیں کرتے ہمارے قتل پہ محسنؔ یہ پیش و پس کیسی ہم ایسے لوگ طلب خوں بہا نہیں کرتے
English rendering
Yun hi to shakh se patte gira nahin karte Bichhad ke log zyada jiya nahin karte Jo aane wale hain mausam unhein shumar mein rakh Jo din guzar gaye un ko gina nahin karte Na dekha jaan ke us ne koi sabab hoga Isi khayal se hum dil bura nahin karte Woh mil gaya hai to kya qissa-e-firaq kahain Khushi ke lamhon ko yun be-maza nahin karte Nishaat-e-qurb gham-e-hijr ke iwaz mat mang Dua ke naam pe yun bad-dua nahin karte Munafiqat pe jinhein ikhtiyar hasil hai Woh arz karte hain tujh se gila nahin karte Hamare qatl pe Mohsinؔ yeh pesh o pas kaisi Hum aise log talab khoon-baha nahin karte