زاویہ کوئی مقرر نہیں ہونے پاتا
زاویہ کوئی مقرر نہیں ہونے پاتا دائمی ایک بھی منظر نہیں ہونے پاتا عمر مصروف کوئی لمحۂ فرصت ہو عطا میں کبھی خود کو میسر نہیں ہونے پاتا آئے دن آتش و آہن سے گزرتا ہے مگر دل وہ کافر ہے کہ پتھر نہیں ہونے پاتا کیا اسے جبر مشیت کی عنایت سمجھوں جو عمل میرا مقدر نہیں ہونے پاتا چشم پر آب سمو لیتی ہے آلام کی گرد آئنہ دل کا مکدر نہیں ہونے پاتا چادر عجز گھٹا دیتی ہے قامت میرا میں کبھی اپنے برابر نہیں ہونے پاتا فن کے کچھ اور بھی ہوتے ہیں تقاضے محسنؔ ہر سخن گو تو سخن ور نہیں ہونے پاتا
English rendering
Zavya koi muqarrar nahin hone paata Daa'imi ek bhi manzar nahin hone paata Umar masroof koi lamha fursat ho ata Main kabhi khud ko mayassar nahin hone paata Aaye din aatish o aahan se guzarta hai magar Dil woh kafir hai ke patthar nahin hone paata Kya usay jabr-e-mashiyat ki inayat samjhun Jo amal mera muqaddar nahin hone paata Chashm pur-aab samo leti hai aalaam ki gard Aaina dil ka mukaddar nahin hone paata Chadar-e-ajz ghata deti hai qamat mera Main kabhi apne barabar nahin hone paata Fun ke kuch aur bhi hote hain taqazay Mohsinؔ Har sukhan-go to sukhan-war nahin hone paata