بغل میں ہم نے رات اک غیرت مہتاب دیکھا ہے
بغل میں ہم نے رات اک غیرت مہتاب دیکھا ہے تمہیں اس خواب کی تعبیر ہو کیا خواب دیکھا ہے تڑپ بجلی کی بھی دیکھی ہے وہ دل تھام لیتے ہیں تری بے تابیوں کو بھی دل بے تاب دیکھا ہے وہ الفت دوست ہوں ناصح دعا ہی دل سے نکلی ہے اگر دشمن کے گھر بھی مجمع احباب دیکھا ہے خدا کے سامنے اے محتسب سچ بولنا ہوگا مرے ساغر میں مے دیکھی ہے یا خوں ناب دیکھا ہے مبارکؔ اضطراب شوق کا عالم نہیں چھپتا کہ جب دیکھا ہے ہم نے آپ کو بے تاب دیکھا ہے
English rendering
Baghal mein hum ne raat ek ghairat-e-mahtab dekha hai Tumhein is khwab ki taabeer ho kya khwab dekha hai Tarap bijli ki bhi dekhi hai woh dil thaam lete hain Teri be-tabiyon ko bhi dil-e-be-tab dekha hai Woh ulfat-e-dost hun naseh dua hi dil se nikli hai Agar dushman ke ghar bhi majma-e-ahbab dekha hai Khuda ke samne ae muhtasib sach bolna hoga Mere saghar mein may dekhi hai ya khoon-e-naab dekha hai Mubarak iztarab-e-shauq ka alam nahin chhupta Ki jab dekha hai hum ne aap ko be-tab dekha hai