وہ جو میرے پاس سے ہو کر کسی کے گھر گیا
وہ جو میرے پاس سے ہو کر کسی کے گھر گیا ریشمی ملبوس کی خوشبو سے جادو کر گیا اک جھلک دیکھی تھی اس روئے دل آرا کی کبھی پھر نہ آنکھوں سے وہ ایسا دل ربا منظر گیا شہر کی گلیوں میں گہری تیرگی گریاں رہی رات بادل اس طرح آئے کہ میں تو ڈر گیا تھی وطن میں منتظر جس کی کوئی چشم حسیں وہ مسافر جانے کس صحرا میں جل کر مر گیا صبح کاذب کی ہوا میں درد تھا کتنا منیرؔ ریل کی سیٹی بجی تو دل لہو سے بھر گیا
English rendering
Woh jo mere paas se ho kar kisi ke ghar gaya Reshmi malboos ki khushboo se jaadoo kar gaya Ek jhalak dekhi thi us rooh-e-dil-aara ki kabhi Phir na aankhon se woh aisa dilruba manzar gaya Shehr ki galiyon mein gehri teergi giryaan rahi Raat baadal is tarah aaye ke main to dar gaya Thi watan mein muntazir jis ki koi chashm haseen Woh musafir jaane kis sehra mein jal kar mar gaya Subh-e-kazib ki hawa mein dard tha kitna Muneer Rail ki seeti baji to dil lahoo se bhar gaya