آتش حسن سے اک آب ہے رخساروں میں
آتش حسن سے اک آب ہے رخساروں میں اے تری شان کہ پانی بھی ہے انگاروں میں دم نکل جائے گا رخصت کا ابھی نام نہ لو تم جو اٹھے تو بٹھا دوں گا عزاداروں میں جا کے اب نار جہنم کی خبر لے زاہد ندیاں بہہ گئیں اشکوں کی گنہ گاروں میں نوبتیں نالۂ رخصت کا پتا دیتی ہیں ماتم عشق کی آواز ہے نقاروں میں مجھ کو اس درد کی تھوڑی سی کسک ہے درکار جو دوا بن کے بٹا ہے ترے بیماروں میں بے طلب اس نے دکھایا رخ روشن مضطرؔ نام موسیٰ کا نہیں اس کے طلب گاروں میں
English rendering
Aatish-e-husn se ek aab hai rukhsaron mein Ae teri shaan ki paani bhi hai angaaron mein Dam nikal jayega rukhsat ka abhi naam na lo Tum jo uthe to bitha doonga azadaron mein Ja ke ab naar-e-jahannam ki khabar le Zahid Nadiyan bah gaieen ashkon ki gunahgaron mein Naubatain nala-e-rukhsat ka pata deti hain Matam-e-ishq ki aawaz hai naqqaron mein Mujh ko is dard ki thodi si kasak hai darkaar Jo dawa ban ke bata hai tere beemaron mein Be-talab us ne dikhaya rukh-e-raushan Muztar Naam-e-Musa ka nahin us ke talabgaron mein