وفاداری کی صورت میں جفا کاری کا نقشا تو
وفاداری کی صورت میں جفا کاری کا نقشا تو یہ نیرنگ محبت ہے کہ ایسا میں ہوں ویسا تو زمانہ کٹ گیا لیکن وہی حالت ہے دونوں کی ادھر جیسے کا تیسا میں ادھر جیسے کا تیسا تو جفا کر قہر کر جور و ستم کر ناز بے جا کر مگر یہ سوچ رسوا کون ہو جائے گا میں یا تو کسے تاب تجلی ہے جو تجھ کو برملا دیکھے یہی پردہ بہت ہے بس اٹھا دے اپنا پردا تو مرے دل کو بھی ساقی آرزوئے بادہ نوشی ہے یہ سن سن کر کہ اک کوزے میں بھر دیتا ہے دریا تو محبت رہنمائے شوق تجھ سے سیکڑوں سیکھے میں کچھ ان میں نہیں جن کو بتا دیتی ہے رستا تو خدائی تو نے پیدا کی تو تیرے کام کیا آئی اکیلا یوں بھی رہتا تھا رہا یوں بھی اکیلا تو قضا ہنگام آخر کوئی آتا ہے عیادت کو مرے بالیں سے دم بھر کے لیے للہ ہٹ جا تو محبت میں سراپا آرزو در آرزو میں ہوں تمنا دل مرا ہے اور مرے دل کی تمنا تو وہ ایسا کون تھا جس نے کیا بدنام دونوں کو دلوں کی بات یوں کہہ دے نہ ایسا میں نہ ایسا تو کمال نیستی سے میں نے ہستی کا پتا پایا پکارا میں نے اپنے آپ کو اور مجھ میں بولا تو ترے ہی رنگ صورت سے یہ سب نقشے چمکتے ہیں بگڑ جائیں گی سب شکلیں اگر ڈالے گا پردا تو بھلا اے آئینے تو اور ان کی شکل دیکھے گا کہاں چشم تماشائی کہاں آنکھوں کا اندھا تو وہ ایسا تو کہ تیرے ساتھ میں بدنام عالم میں وہ ایسا میں کہ میرے ساتھ ہے رسوائے دنیا تو مری حالت تو جب بدلے کہ ایسا اور کو پاؤں مری آنکھیں تو جب جانیں دکھا دے اپنا جیسا تو تجھی سے نقش ناکامی میں ہیں امید کے جلوے شب غم ہے قضا کے بھیس میں میرا مسیحا تو ترے نقشے سے ہر نقشا ہے پھر یہ شرم کیا معنی تری صورت سے ہر صورت ہے کیوں کرتا ہے پردا تو وجود ذات واحد ہے تو دو یکتائیاں کیسی ادھر چاہت میں یکتا میں ادھر صورت میں یکتا تو مری چاہت تری گاہک ہے اور قیمت دل مضطرؔ ترا جلوہ مرا بازار ہے اور میرا سودا تو
English rendering
Wafadari ki soorat mein jafa kaari ka naqsha tu Yeh nairang-e-mohabbat hai ke aisa main hun waisa tu Zamana kat gaya lekin wahi haalat hai donon ki Idhar jaise ka taisa main idhar jaise ka taisa tu Jafa kar, qahr kar, jaur-o-sitam kar, naaz be-ja kar Magar yeh soch ruswa kaun ho jayega main ya tu Kise taab-e-tajalli hai jo tujh ko bar-mala dekhe Yehi parda bahut hai bas utha de apna parda tu Mere dil ko bhi saaqi aarzoo-e-bada-noshi hai Yeh sun sun kar ke ik kooze mein bhar deta hai darya tu Mohabbat rahnuma-e-shauq tujh se saikron seekhe Main kuch un mein nahin jin ko bata deti hai rasta tu Khudai tu ne paida ki toh tere kaam kya aayi Akela yun bhi rehta tha raha yun bhi akela tu Qaza hangam-e-aakhir koi aata hai iyadat ko Mere baalin se dam bhar ke liye lillah hat ja tu Mohabbat mein sarapa aarzoo dar aarzoo main hun Tamanna dil mera hai aur mere dil ki tamanna tu Woh aisa kaun tha jis ne kiya badnaam donon ko Dilon ki baat yun keh de na aisa main na aisa tu Kamal-e-neesti se main ne hasti ka pata paya Pukara main ne apne aap ko aur mujh mein bola tu Tere hi rang-e-soorat se yeh sab naqshe chamakte hain Bigad jayengi sab shaklein agar dalega parda tu Bhala ae aaine tu aur un ki shakal dekhega Kahan chashm-e-tamashai kahan aankhon ka andha tu Woh aisa tu ke tere saath main badnaam-e-aalam mein Woh aisa main ke mere saath hai ruswa-e-duniya tu Meri haalat toh jab badle ke aisa aur ko paun Meri aankhein toh jab jaanein dikha de apna jaisa tu Tujhi se naqsh-e-nakami mein hain umeed ke jalwe Shab-e-gham hai qaza ke bhes mein mera maseeha tu Tere naqshe se har naqsha hai phir yeh sharm kya maani Teri soorat se har soorat hai kyun karta hai parda tu Wajood-e-zaat-e-wahid hai toh do yaktayian kaisi Idhar chahat mein yakta main idhar soorat mein yakta tu Meri chahat teri gaahak hai aur qeemat dil-e-muztar Tera jalwa mera bazaar hai aur mera sauda tu