فصل گل بھی ترس کے کاٹی ہے
فصل گل بھی ترس کے کاٹی ہے عمر کانٹوں میں بس کے کاٹی ہے میں نے رو کر گزار دی اے ابر جیسے تو نے برس کے کاٹی ہے ہو کے پابند الفت صیاد زندگی بے قفس کے کاٹی ہے سوز الفت میں زندگی میں نے غیر کا منہ جھلس کے کاٹی ہے زندگی بھر رہے حسینوں میں عمر پھولوں میں بس کے کاٹی ہے اس نے کس ناز سے مری گردن کمر شوق کس کے کاٹی ہے اس کی حسرت ہے دید کے قابل جس نے مضطرؔ ترس کے کاٹی ہے
English rendering
Fasl-e-gul bhi taras ke kaati hai Umar kaanton mein bas ke kaati hai Main ne ro kar guzar di ae abr Jaise tu ne baras ke kaati hai Ho ke paband-e-ulfat sayyad Zindagi be-qafas ke kaati hai Soz-e-ulfat mein zindagi main ne Ghair ka munh jhulsa ke kaati hai Zindagi bhar rahe haseenon mein Umar phoolon mein bas ke kaati hai Us ne kis naaz se meri gardan Kamar-e-shauq kis ke kaati hai Us ki hasrat hai deed ke qabil Jis ne Muztar taras ke kaati hai