جو پوچھا منہ دکھانے آپ کب چلمن سے نکلیں گے
جو پوچھا منہ دکھانے آپ کب چلمن سے نکلیں گے تو بولے آپ جس دن حشر میں مدفن سے نکلیں گے جلے گا دل تمہیں بزم عدو میں دیکھ کر میرا دھواں بن بن کے ارماں محفل دشمن سے نکلیں گے اکٹھے کر کے تیری دوسری تصویر کھینچوں گا وہ سب جلوے جو چھن چھن کر تری چلمن سے نکلیں گے سیہ پوشاک دوش ناز پر بکھری ہوئی زلفیں مرے ماتم کی شرکت کو بڑے جوبن سے نکلیں گے ہمیں پروا نہیں اس کی قیامت لاکھ بار آئے نہ تم مدفن پہ آؤ گے نہ ہم مدفن سے نکلیں گے ترے دامن سے بدلا لیں گے ظالم خون ناحق کا وہ فوارے لہو کے جو مری گردن سے نکلیں گے یہی رشتہ جنون عاشقی کا ہے تو کچھ دن میں مرے تار گریباں یار کے دامن سے نکلیں گے ہزاروں حسن والے اس زمیں میں دفن ہیں مضطرؔ قیامت ہوگی جب یہ سب کے سب مدفن سے نکلیں گے
English rendering
Jo poochha munh dikhane aap kab chilman se niklenge To bole aap jis din hashr mein madfan se niklenge Jale ga dil tumhein bazm-e-adu mein dekh kar mera Dhuan ban ban ke armaan mahfil-e-dushman se niklenge Ikatthe kar ke teri doosri tasveer kheenchunga Wo sab jalwe jo chhan chhan kar teri chilman se niklenge Siyah poshak dosh-e-naz par bikhri hui zulfain Mere matam ki shirkat ko bade joban se niklenge Hamein parwa nahin us ki qayamat lakh baar aaye Na tum madfan pe aao ge na hum madfan se niklenge Tere daaman se badla lenge zaalim khoon-e-nahaq ka Wo fawware lahoo ke jo meri gardan se niklenge Yehi rishta junoon-e-aashiqi ka hai to kuchh din mein Mere taar-e-gareban yaar ke daaman se niklenge Hazaron husn wale is zameen mein dafn hain Muztarؔ Qayamat hogi jab ye sab ke sab madfan se niklenge