جدائی مجھ کو مارے ڈالتی ہے
جدائی مجھ کو مارے ڈالتی ہے دہائی مجھ کو مارے ڈالتی ہے تمہارے عشق میں دنیا ہے دشمن خدائی مجھ کو مارے ڈالتی ہے حسینوں کی گلی ہے اور میں ہوں گدائی مجھ کو مارے ڈالتی ہے تری جلاد آنکھوں کی ستم گر صفائی مجھ کو مارے ڈالتی ہے اسیری میں مزا تھا فصل گل کا رہائی مجھ کو مارے ڈالتی ہے خفا ہیں وہ دعاؤں کے اثر پر رسائی مجھ کو مارے ڈالتی ہے کیے دیتا ہے قاتل ذبح مضطرؔ کلائی مجھ کو مارے ڈالتی ہے
English rendering
Judai mujh ko mare daalti hai Duhai mujh ko mare daalti hai Tumhare ishq mein duniya hai dushman Khudai mujh ko mare daalti hai Haseenon ki gali hai aur main hoon Gadai mujh ko mare daalti hai Teri jallad aankhon ki sitamgar Safai mujh ko mare daalti hai Aseeri mein maza tha fasl-e-gul ka Rihai mujh ko mare daalti hai Khafa hain woh duaon ke asar par Rasai mujh ko mare daalti hai Kiye deta hai qatil zabh-e-Muztar Kalai mujh ko mare daalti hai