یہ تم بے وقت کیسے آج آ نکلے سبب کیا ہے
یہ تم بے وقت کیسے آج آ نکلے سبب کیا ہے بلایا جب نہ آئے اب یہ آنا بے طلب کیا ہے محبت کا اثر پھر دیکھنا مرنے تو دو مجھ کو وہ میرے ساتھ زندہ دفن ہو جائیں عجب کیا ہے نگاہ یار مل جاتی تو ہم شاگرد ہو جاتے ذرا یہ سیکھ لیتے دل کے لے لینے کا ڈھب کیا ہے جو غم تم نے دیا اس پر تصدق سیکڑوں خوشیاں جو دکھ تم سے ملے ان کے مقابل میں طرب کیا ہے سمجھتے تھے بڑا سچا مسلماں تم کو سب مضطرؔ مگر تم تو بتوں کو پوجتے ہو یہ غضب کیا ہے
English rendering
Yeh tum be-waqt kaise aaj aa nikle sabab kya hai Bulaya jab na aaye ab yeh aana be-talab kya hai Mohabbat ka asar phir dekhna marne to do mujh ko Woh mere saath zinda dafan ho jaayen ajab kya hai Nigah-e-yaar mil jaati to hum shagird ho jaate Zara yeh seekh lete dil ke le lene ka dhab kya hai Jo gham tum ne diya us par tasadduq saikron khushiyan Jo dukh tum se mile un ke muqabil mein tarab kya hai Samajhte the bara sachcha musalman tum ko sab Muztarؔ Magar tum to buton ko poojte ho yeh ghazab kya hai