بدلی ہوئی ہے چرخ کی رفتار آج کل
بدلی ہوئی ہے چرخ کی رفتار آج کل ہو بند راست گوئی کا بازار آج کل علم و ہنر ہے ملک کو درکار آج کل ہم خود بھلے برے کے ہیں مختار آج کل ہے اور ہی طریقۂ بازار آج کل جنس نفیس کے ہیں خریدار آج کل غفلت کا دور ملک سے شاید گزر گیا مخلوق ہوتی جاتی ہے بیدار آج کل گل گونۂ ترقیٔ تہذیب و علم سے شکر خدا کہ سرخ ہیں رخسار آج کل کیوں جانتے ہیں صنعت و حرفت کو باغ خلد غیروں کی ہم نگاہ میں ہیں خار آج کل روشن ہے اپنی بے ہنری آفتاب سے ہے صبح کے قریب شب تار آج کل بگڑی ہوئی ہے مے کدۂ دہر کی ہوا ہو جائیں شیخ جی بھی نہ مے خوار آج کل کیا کام ان سفید چڑیلوں کا ہند میں کیوں ایسی شادیوں کی ہے بھر مار آج کل ہر چیز کی گرانی نے ویران کر دیا صرف خزاں ہے ہند کا گل زار آج کل اس باغ میں ہے باد خزاں و باد قحط ہر گل کے دل میں ہے خلش خار آج کل بھولے ہیں اپنے فرض کو یہ خواجگان ہند حق دینے میں بھی کرتے ہیں انکار آج کل شکر خدا کہ ظلم سے معذور ہے فلک برطانیہ ہے خلق کی غم خوار آج کل یا رب ہمارے دل کو تو اپنی پناہ دے دل دار ہو گئے ہیں دل آزار آج کل مخصوص ہو چکی ہیں ارادی غلامیاں ہے اک انار سیکڑوں بیمار آج کل ایک ایک کر کے جتنے ہنر تھے وہ چھن گئے ہم زندگی سے کیوں نہ ہوں بیزار آج کل اک جرم اور فرد جرائم میں بڑھ گیا یعنی نہ درد دل کا ہو اظہار آج کل جینے کی فکر کیجئے اور پیٹ کا خیال موقوف کیجے عشق کا آزار آج کل پابندیاں بھی چاہئیں انسان کو ضرور آزادیوں کی کیوں ہے یہ بھر مار آج کل ملتا نہیں کہیں دہن یار ہے اناج فاقوں سے جسم ہے کمر یار آج کل ہے تنگ دستیوں کے سبب ضعف اس قدر سب کی ہیں آنکھیں نرگس بیمار آج کل لاکھوں محال عقلی و عادی سہی مگر کسب معاش سب سے ہے دشوار آج کل کیا کیجے تر نوالوں کا موسم نہیں رہا چپکے ہوئے ہیں یار کے رخسار آج کل فاقوں سے ہے یہ حال اگر تول کر بٹھائیں آدھے ٹکٹ میں جائے تن زار آج کل گل کر دیا چراغ معیشت تو اے ہوا معدہ کے بھی نہ گھس گئے کیوں خار آج کل چاروں طرف بلند ہے فریاد ہائے ہائے ماتم کدہ ہے قہقۂ دیوار آج کل دولت جب آئے گی کہ وہی چیز ہم بنائیں جو چیز چاہتے ہوں خریدار آج کل بہتر ہے کارخانوں سے ہو ملک کا بھلا اگلیں گڑے خزانوں کو زردار آج کل صنعت کا نام گنج ہے حرفت کا نام زر علم شکم ہے ملک کو درکار آج کل پرویںؔ کی یہ دعا ہے رہے امن ملک میں رب غفور تو ہی ہے غم خوار آج کل
English rendering
Badli hui hai charkh ki raftaar aaj kal Ho band rast-goi ka bazaar aaj kal Ilm-o-hunar hai mulk ko darkaar aaj kal Hum khud bhale bure ke hain mukhtaar aaj kal Hai aur hi tareeqa-e-bazaar aaj kal Jins-e-nafees ke hain khareedaar aaj kal Ghaflat ka daur mulk se shayad guzar gaya Makhlooq hoti jaati hai bedaar aaj kal Gul-goona-e-taraqqi-e-tahzeeb-o-ilm se Shukr Khuda ke surkh hain rukhsaar aaj kal Kyun jaante hain sana'at-o-hirfat ko bagh-e-khuld Ghairon ki hum nigah mein hain khaar aaj kal Roshan hai apni be-hunari aaftaab se Hai subah ke qareeb shab-e-taar aaj kal Bigdi hui hai mai-kada-e-dahr ki hawa Ho jaayen shaikh ji bhi na mai-khwar aaj kal Kya kaam in safed chirayliyon ka Hind mein Kyun aisi shaadiyon ki hai bhar maar aaj kal Har cheez ki girani ne veeraan kar diya Sirf khizaan hai Hind ka gulzar aaj kal Is baagh mein hai baad-e-khizaan-o-baad-e-qahet Har gul ke dil mein hai khalish-e-khaar aaj kal Bhoole hain apne farz ko ye khwajgaan-e-Hind Haq dene mein bhi karte hain inkaar aaj kal Shukr Khuda ke zulm se ma'zoor hai falak Bartania hai khalq ki ghamkhwar aaj kal Ya Rab hamare dil ko tu apni panah de Dildaar ho gaye hain dil azaar aaj kal Makhsoos ho chuki hain iradi ghulamiyan Hai ek anar saikdon beemaar aaj kal Ek ek kar ke jitne hunar the woh chhan gaye Hum zindagi se kyun na hon bezaar aaj kal Ek jurm aur fard-e-jaraim mein badh gaya Ya'ni na dard-e-dil ka ho izhaar aaj kal Jeene ki fikr keejiye aur pet ka khayal Mauqoof keejiye ishq ka azaar aaj kal Paabandiyan bhi chahiyein insaan ko zaroor Aazadiyon ki kyun hai ye bhar maar aaj kal Milta nahin kahin dahan-e-yaar hai anaaj Faaqon se jism hai kamar-e-yaar aaj kal Hai tangdastiyon ke sabab za'af is qadar Sab ki hain aankhein nargis-e-beemaar aaj kal Lakhon muhaal aqli-o-aadi sahi magar Kasb-e-ma'aash sab se hai dushwar aaj kal Kya keejiye tar niwaalon ka mausam nahin raha Chupke hue hain yaar ke rukhsaar aaj kal Faaqon se hai ye haal agar tol kar bithaayen Aadhe ticket mein jaaye tan-e-zaar aaj kal Gul kar diya chiragh-e-ma'eeshat to aye hawa Ma'eda ke bhi na ghus gaye kyun khaar aaj kal Chaaron taraf buland hai fariyaad haay haay Maatam-kada hai qahqaha-e-deewar aaj kal Daulat jab aayegi ke wohi cheez hum banaayen Jo cheez chahte hon khareedaar aaj kal Behtar hai karkhanon se ho mulk ka bhala Uglen gadhe khazanon ko zardaar aaj kal Sana'at ka naam ganj hai, hirfat ka naam zar Ilm-e-shikam hai mulk ko darkaar aaj kal Parveen ki ye dua hai rahe amn mulk mein Rabb-e-Ghafoor tu hi hai ghamkhwar aaj kal