ہجر میں غم کی چڑھائی ہے الٰہی توبہ
ہجر میں غم کی چڑھائی ہے الٰہی توبہ کیا نصیبے کی برائی ہے الٰہی توبہ کتنے کانوں کے وہ کچے ہیں کہ اللہ کی پناہ کیا رقیبوں کی بن آئی ہے الٰہی توبہ نالہ ہو آہ ہو فریاد ہو یا زاری ہو یار تک سب کی رسائی ہے الٰہی توبہ ہو چکا قتل جہاں تیغ بھی اٹھنے کی نہیں کس قدر نرم کلائی ہے الٰہی توبہ شیخ صاحب بھی نہیں بچ کے یہاں سے نکلے کس قدر ان کو پلائی ہے الٰہی توبہ دل لگی آپ سے کی خلق میں بدنام ہوئے نیک نامی یہ کمائی ہے الٰہی توبہ چاہ کر تم کو بھلا اور کو کیوں کر چاہوں واہ کیا دل میں سمائی ہے الٰہی توبہ لے گئے چھین کے دل میل نہیں چتون پر کتنی دیدہ میں صفائی ہے الٰہی توبہ بوسہ مانگا تو کہا شکر خدا اچھا ہوں بات کیا جلد اڑائی ہے الٰہی توبہ نہیں معلوم کہ کس شخص کا منہ دیکھا ہے آج پھر غم کی چڑھائی ہے الٰہی توبہ کوچۂ عشق کی سچ پوچھو تو ہم نے پرویںؔ کس قدر خاک اڑائی ہے الٰہی توبہ
English rendering
Hijr mein gham ki chaṛhāī hai ilāhī tauba Kyā nasībe kī burāī hai ilāhī tauba Kitne kānoñ ke vo kachche haiñ ki Allāh kī panāh Kyā raqīboñ kī ban aaī hai ilāhī tauba Nāla ho āh ho faryād ho yā zārī ho Yār tak sab kī rasāī hai ilāhī tauba Ho chukā qatl jahāñ tegh bhī uṭhne kī nahīñ Kis qadar narm kalāī hai ilāhī tauba Shaikh sāhab bhī nahīñ bach ke yahāñ se nikle Kis qadar un ko pilāī hai ilāhī tauba Dil lagī aap se kī khalq mein badnām hue Nek nāmī ye kamāī hai ilāhī tauba Chāh kar tum ko bhalā aur ko kyūñ kar chāhūñ Wāh kyā dil mein samāī hai ilāhī tauba Le ga.e chhīn ke dil mail nahīñ chitvan par Kitnī dīda mein safāī hai ilāhī tauba Bosa māñgā to kahā shukr ḳhudā achchhā hūñ Baat kyā jald uṛāī hai ilāhī tauba Nahīñ ma.lūm ki kis shaḳhs kā muñh dekhā hai Āj phir gham kī chaṛhāī hai ilāhī tauba Kūcha-e-ishq kī sach pūchho to ham ne Parvīn Kis qadar ḳhāk uṛāī hai ilāhī tauba