کسی کی کسی کو محبت نہیں ہے
کسی کی کسی کو محبت نہیں ہے ابھی اس کی دنیا کو لذت نہیں ہے اگر تم کو ملنے کی فرصت نہیں ہے مجھے بھی زیادہ ضرورت نہیں ہے بہت خوش نما ہے گلستان عالم مگر سیر کرنے کی فرصت نہیں ہے بہت سے گھروں میں خزانے ہیں مدفوں نہیں ہے تو گنج قناعت نہیں ہے کہاں تک نہ بے ہوش و بے خود کرے گی مئے وصل ہے کوئی شربت نہیں ہے خیالات میں اپنے ہوں غرق واعظ مجھے کہنے سننے کی فرصت نہیں ہے دکھاتے نہیں شرم سے روئے روشن کوئی کامیابی کی صورت نہیں ہے تزلزل میں کس واسطے ہے زمانہ شب ہجر ہے یہ قیامت نہیں ہے کہاں اے پری تو کہاں حور جنت تری اس کی آپس میں نسبت نہیں ہے مری قمریوں کے سوا کون انساں یہ شمشاد ہے اس کی قامت نہیں ہے وہ اٹھے تو لاکھوں ہی فتنے اٹھیں گے وہ قامت بھی کم از قیامت نہیں ہے نہ کیوں دل لگے یاں وہ ہے اور خلوت یہ حورا نہیں ہے یہ جنت نہیں ہے جفائیں نہ کیجے نہ کیجے نہ کیجے تحمل کی اب مجھ کو طاقت نہیں ہے تلاطم میں مصروف ہے قطرہ قطرہ کوئی شے یہاں بے حقیقت نہیں ہے جہاں تک بنے تم سے بیداد کر لو اگر آنے والی قیامت نہیں ہے لرزتا ہے کیوں ڈر سے اے جسم لاغر یہ دھڑکا ہے دل کا قیامت نہیں ہے حسینوں کی چاہت حسینوں کی الفت مصیبت بھی ہے اور مصیبت نہیں ہے تمہیں عاشق اور مجھ کو معشوق لاکھوں یہاں آدمیوں کی قلت نہیں ہے سنبھل کر ذرا ناز و اغماض کیجے حسینوں کی دنیا میں قلت نہیں ہے زمانہ میں ہونے کو سب کچھ ہے پرویںؔ ہمیں کیا امید شفاعت نہیں ہے
English rendering
Kisi ki kisi ko mohabbat nahin hai Abhi us ki duniya ko lazzat nahin hai Agar tum ko milne ki fursat nahin hai Mujhe bhi zyada zaroorat nahin hai Bahut khushnuma hai gulistan-e-alam Magar sair karne ki fursat nahin hai Bahut se gharon mein khazane hain madfoon Nahin hai to ganj-e-qana'at nahin hai Kahan tak na behosh o bekhud karegi Mai-e-vasl hai koi sharbat nahin hai Khayalat mein apne hoon gharq wa'iz Mujhe kehne sunne ki fursat nahin hai Dikhate nahin sharm se roy-e-raushan Koi kamyabi ki soorat nahin hai Tazalzul mein kis waaste hai zamana Shab-e-hijr hai yeh qiyamat nahin hai Kahan ae pari tu kahan hoor-e-jannat Teri us ki aapas mein nisbat nahin hai Meri qamriyon ke siwa kaun insaan Yeh shamshad hai us ki qamat nahin hai Woh uthe to lakhon hi fitne uthenge Woh qamat bhi kam az qiyamat nahin hai Na kyun dil lage yaan woh hai aur khalwat Yeh hoora nahin hai yeh jannat nahin hai Jafaen na kijiye na kijiye na kijiye Tahammul ki ab mujh ko taaqat nahin hai Talatam mein masroof hai qatra qatra Koi shai yahan be-haqeeqat nahin hai Jahan tak bane tum se bedaad kar lo Agar aane wali qiyamat nahin hai Larzata hai kyun dar se ae jism-e-laghar Yeh dhadka hai dil ka qiyamat nahin hai Haseenon ki chahat haseenon ki ulfat Museebat bhi hai aur museebat nahin hai Tumhein aashiq aur mujh ko maashooq lakhon Yahan aadmiyon ki qillat nahin hai Sambhal kar zara naz o ighmaz kijiye Haseenon ki duniya mein qillat nahin hai Zamana mein hone ko sab kuch hai Parveenؔ Hamein kya umeed-e-shafa'at nahin hai