کچھ طبیعت آج کل پاتا ہوں گھبرائی ہوئی
کچھ طبیعت آج کل پاتا ہوں گھبرائی ہوئی شہر بھر میں ہے اداسی ہر طرف چھائی ہوئی ہائے رے غارت گر صبر و شکیبائی ہوئی وہ تری ترچھی نظر وہ آنکھ شرمائی ہوئی اے صبا چلتی ہے کیوں اس درجہ اترائی ہوئی کیا نہیں ہے تو وہی اس گل کی ٹھکرائی ہوئی وصل میں اچھی طرح جب بادہ پیمائی ہوئی اڑ گئی کافور بن بن کر حیا آئی ہوئی شب کو جب ابرو و مژگاں کی صف آرائی ہوئی شوخیوں میں دب گئی شرم و حیا آئی ہوئی ہائے میری بے قراری اور ان کا اضطراب اور چلتے وقت کی باتیں وہ گھبرائی ہوئی قبر تک پہونچا گئے سارے عزیز و اقربا آگے آگے پھر رفیق راہ تنہائی ہوئی ہاں تمہیں پر جان دیتا ہوں تمہیں پر ہوں نثار ہاں تمہیں پر ہے طبیعت ٹوٹ کر آئی ہوئی ٹکڑے ٹکڑے ہیں جگر کے شیشۂ دل چور چور یہ قیامت ہے تمہاری چال کی ڈھائی ہوئی جس میں طاقت ہے نہ حرکت ہے نہ خواہش ہے نہ جاں دل نہیں اک لاش ہے سینہ میں دفنائی ہوئی بیٹھتے ہی بیٹھتے محفل میں بے خود ہو گیا دیکھتے ہی دیکھتے رخصت توانائی ہوئی خوب رونے دو کہ یہ روکے سے رک سکتا نہیں میرے دل پر ہے ابھی غم کی گھٹا چھائی ہوئی آب دیدہ ہو کے وہ آپس میں کہنا الوداع اس کی کم میری سوا آواز بھرائی ہوئی منتیں کرتا ہوں درگزرو خدارا بخش دو اب تو نادانی ہوئی یا مجھ سے دانائی ہوئی شکوۂ وعدہ خلافی کا ملا اچھا جواب پیشگی رکھی تھی اک امید بر آئی ہوئی حور پر میری طبیعت آئے کیا مقدور ہے توبہ توبہ یہ بھی تیری طرح ہرجائی ہوئی خود ہی سوچو دیکھنے والوں کا اس میں کیا قصور جب تماشا تم ہوئے خلقت تماشائی ہوئی روتے روتے ٹھہر جاتا ہوں تری سر کی قسم یاد آ جاتی ہے جب وہ بات سمجھائی ہوئی دے کے دل غصہ میں واپس ان کو پچھتانا پڑا کیا رقم جاتی رہی ہے ہاتھ سے آئی ہوئی خوش نصیبی اس جگہ کی تو جہاں رکھے قدم ریل بھی پھرتی ہے اسٹیشن پر اترائی ہوئی جب کہا اس نے کہ مرتا ہوں تو کوسا اس طرح تجھ کو آئے یا الٰہی غیر کی آئی ہوئی ربط بڑھنے پر کھلا کرتا ہے کچھ اچھا برا اس سے کیا ہوتا ہے گر رسمی شناسائی ہوئی عشق بازی اور شے ہے فسق ہے کچھ اور چیز نیک نامی کو نہ کہہ پرویںؔ کہ رسوائی ہوئی
English rendering
Kuch tabiyat aaj kal paata hoon ghabraai hui Shehar bhar mein hai udaasi har taraf chhaai hui Haaye re ghaarat-gar-e-sabr o shakebaai hui Woh teri tirchhi nazar woh aankh sharmaai hui Ae saba chalti hai kyun is darja itraai hui Kya nahin hai tu wahi us gul ki thukraai hui Vasl mein achchhi tarah jab baada paimaai hui Ud gai kaafur ban ban kar haya aai hui Shab ko jab abroo o mizhgaan ki saf-aaraai hui Shokhiyon mein dab gai sharm o haya aai hui Haaye meri be-qarari aur un ka iztiraab Aur chalte waqt ki baatein woh ghabraai hui Qabr tak pahuncha gaye saare azeez o aqarba Aage aage phir rafeeq-e-raah tanhai hui Haan tumhein par jaan deta hoon tumhein par hoon nisaar Haan tumhein par hai tabiyat toot kar aai hui Tukde tukde hain jigar ke sheesha-e-dil choor choor Yeh qiyamat hai tumhari chaal ki dhaai hui Jis mein taaqat hai na harkat hai na khwahish hai na jaan Dil nahin ik laash hai seena mein dafnai hui Baithte hi baithte mehfil mein bekhud ho gaya Dekhte hi dekhte rukhsat tawanaai hui Khoob rone do ke yeh roke se ruk sakta nahin Mere dil par hai abhi gham ki ghata chhaai hui Aab-e-dida ho ke woh aapas mein kehna alwida Us ki kam meri siwa awaaz bharraai hui Minnatein karta hoon darguzar o khudara bakhsh do Ab to nadaani hui ya mujh se daanaai hui Shikwah-e-wada khilafi ka mila achchha jawab Peshgi rakhi thi ik umeed bar aai hui Hoor par meri tabiyat aaye kya maqdoor hai Tauba tauba yeh bhi teri tarah harjaai hui Khud hi socho dekhne walon ka is mein kya qusoor Jab tamasha tum hue khalqat tamashai hui Rote rote thahar jata hoon teri sar ki qasam Yaad aa jaati hai jab woh baat samjhaai hui De ke dil ghussa mein wapas un ko pachtana pada Kya raqam jaati rahi hai haath se aai hui Khush-naseebi us jagah ki tu jahan rakhe qadam Rail bhi phirti hai station par itraai hui Jab kaha us ne ke marta hoon to kosa is tarah Tujh ko aaye ya ilaahi ghair ki aai hui Rabt badhne par khula karta hai kuch achchha bura Is se kya hota hai gar rasmi shanaasai hui Ishq baazi aur shai hai fisq hai kuch aur cheez Nek-naami ko na keh Parveenؔ ke ruswai hui