میری عزت بڑھ گئی اک پان میں
میری عزت بڑھ گئی اک پان میں فرق کیا آیا تمہاری شان میں ان کو دیکھا تو کہا یوں کان میں کیوں خلل ڈالا مرے ایمان میں عاشقی ہے بحر ناپیداکنار کشتئ دل آ گئی طوفان میں ہے یہی پہچان بالی عمر کی بالیاں وہ دو فقط ہیں کان میں تیرے صدقے کے لئے حاضر ہیں سب در سمندر میں جواہر کان میں دے کے دل اس بت کو اپنا کر لیا اس تجارت میں نہیں نقصان میں کیا مے گلگوں سے رونق گھٹ گئی رنگ بلکہ آ گیا ایمان میں اس بت کافر کو سجدہ کر لیا اس سے کیا آیا خلل ایمان میں تم پری کا فخر ہو حوروں کا ناز کاش ہوتے فرقۂ انسان میں اس کے رخساروں پہ ہے خط کی نمود حاشیہ یہ ہے نیا قرآن میں گیسوئے پیچاں ترے رخسار پر سورۂ واللیل ہے قرآن میں عارض تاباں پہ ہے خط کی نمود حبشیوں کی فوج یا ایران میں کہہ دو پیش آیا کرے اچھی طرح چل نہ جائے مجھ میں اور دربان میں وہ کریں ظلم اور تم لب پر نہ لاؤ ورنہ گستاخی ہے ان کی شان میں سنتے سنتے واعظوں سے ہجو مے ضعف سا کچھ آ گیا ایمان میں یوں کہوں گا ووں کہوں گا تھا خیال روبرو کچھ بھی نہ آیا دھیان میں اس کی قدرت سے نہیں پرویںؔ بعید رائی کو پربت بنا دے آن میں
English rendering
Meri izzat badh gayi ek paan mein Farq kya aaya tumhari shaan mein Un ko dekha to kaha yun kaan mein Kyun khalal daala mere imaan mein Aashiqi hai bahr-e-napaida-kinaar Kashti-e-dil aa gayi toofan mein Hai yehi pehchan baali umr ki Baaliyan woh do faqat hain kaan mein Tere sadqe ke liye haazir hain sab Dur samandar mein, jawaahar kaan mein De ke dil us but ko apna kar liya Is tijarat mein nahin nuqsaan mein Kya mai-e-gulgoon se raunaq ghat gayi Rang balki aa gaya imaan mein Us but-e-kafir ko sajda kar liya Is se kya aaya khalal imaan mein Tum pari ka fakhr ho, hooron ka naaz Kaash hote firqa-e-insaan mein Us ke rukhsaaron pe hai khat ki namood Hashiya ye hai naya quraan mein Gesu-e-pechaan tere rukhsaar par Surah-e-wal-lail hai quraan mein Aariz-e-taabaan pe hai khat ki namood Habshiyon ki fauj ya Iran mein Keh do pesh aaya kare achhi tarah Chal na jaaye mujh mein aur darbaan mein Woh karein zulm aur tum lab par na laao Warna gustaakhi hai un ki shaan mein Sunte sunte waaizon se hajv-e-mai Za'af sa kuch aa gaya imaan mein Yun kahunga wun kahunga tha khayal Rubaru kuch bhi na aaya dhyan mein Us ki qudrat se nahin Parveen ba'eed Raayi ko parbat bana de aan mein