متکبر نہ ہو زردار بڑی مشکل ہے
متکبر نہ ہو زردار بڑی مشکل ہے سب ہے آسان یہ سرکار بڑی مشکل ہے کفر پر خلق ہے تیار بڑی مشکل ہے دین بالکل نہیں درکار بڑی مشکل ہے کیسے ٹیڑھا نہ چلے مار بڑی مشکل ہے سیدھی ہو زلف گرہ دار بڑی مشکل ہے اور ہوں گے وہ کوئی دام میں آنے والے مرغ دانا ہو گرفتار بڑی مشکل ہے دل ہے غم ناک تو کونین ہے ماتم خانہ روتے ہیں سب در و دیوار بڑی مشکل ہے لوگ کہتے ہیں کہ دل اس کو نہ دینا لیکن بعد اقرار کے انکار بڑی مشکل ہے شعلۂ حسن بتاں پھونک نہ دے عالم کو سرخ ہیں پھول سے رخسار بڑی مشکل ہے ان دنوں حضرت یوسف کی وہ ناقدری ہے نہیں بڑھیا بھی خریدار بری مشکل ہے مل کے رہنا ہی نہیں جانتا یاں اب کوئی جان و دل میں بھی ہے تکرار بڑی مشکل ہے نہ تردد کا مزا ہے نہ سکوں کی لذت کبھی وعدہ کبھی انکار بڑی مشکل ہے طالب صلح ہوں میں اور نظر طالب جنگ رات دن لڑنے پہ تیار بڑی مشکل ہے ہائے دنیا میں کسی میں نہیں اتنی بھی وفا جتنا کتا ہے وفادار بڑی مشکل ہے آج تم تیغ بکف ہو تو صفا چٹ میداں کون مرنے پہ ہو تیار بڑی مشکل ہے جنس دل بیچنے کی ہم کو ضرورت پرویںؔ اور معدوم خریدار بڑی مشکل ہے
English rendering
Mutakabbir na ho zardaar, badi mushkil hai Sab hai aasan, ye sarkaar badi mushkil hai Kufr par khalq hai tayyar, badi mushkil hai Deen bilkul nahin darkaar, badi mushkil hai Kaise tedha na chale maar, badi mushkil hai Seedhi ho zulf-e-girah-daar, badi mushkil hai Aur honge wo koi daam mein aane wale Murgh-e-daana ho giraftar, badi mushkil hai Dil hai gham-naak to kaunain hai maatam-khana Rote hain sab dar-o-deewar, badi mushkil hai Log kehte hain ke dil us ko na dena lekin Baad iqrar ke inkar, badi mushkil hai Sho'la-e-husn-e-butan phoonk na de aalam ko Surkh hain phool se rukhsar, badi mushkil hai In dinon Hazrat-e-Yousuf ki wo naqadri hai Nahin budhiya bhi kharidaar, badi mushkil hai Mil ke rehna hi nahin jaanta yaan ab koi Jaan-o-dil mein bhi hai takraar, badi mushkil hai Na taraddud ka maza hai na sukoon ki lazzat Kabhi wa'da, kabhi inkar, badi mushkil hai Talib-e-sulh hun main aur nazar talib-e-jang Raat din ladne pe tayyar, badi mushkil hai Haaye duniya mein kisi mein nahin itni bhi wafa Jitna kutta hai wafadar, badi mushkil hai Aaj tum tegh-ba-kaf ho to safa-chat maidan Kaun marne pe ho tayyar, badi mushkil hai Jins-e-dil bechne ki hum ko zaroorat Parveen Aur ma'doom kharidaar, badi mushkil hai