نیک و بد کی جسے خبر ہی نہیں
نیک و بد کی جسے خبر ہی نہیں شر ہے کم بخت وہ بشر ہی نہیں وہ ہیں کس حال میں خبر ہی نہیں سر بھی نیچا ہے اک نظر ہی نہیں ہاتھ خالی ہے مال و زر ہی نہیں کیا اڑیں جبکہ بال و پر ہی نہیں مے کی بابت خیال کر واعظ اس میں نفعے بھی ہیں ضرر ہی نہیں شرم سے تیرے روئے روشن کے شمس بھی زرد ہے قمر ہی نہیں جس کے باعث ہے زندگی بے لطف لطف یہ ہے اسے خبر ہی نہیں راہ ہر دل کو ہوتی ہے دل سے میرے دل کی انہیں خبر ہی نہیں یار تو قتل عام کر ڈالے تیغ باندھے کہاں کمر ہی نہیں ضبط کی نسبت آپ کا ہے خیال میں ہوں عاشق مرے جگر ہی نہیں میرے سینہ کو چیر کر دیکھو دل بھی روتا ہے چشم تر ہی نہیں آسماں لاکھ بار دشمن ہو کیا ہو برباد میرے گھر ہی نہیں کون کہتا ہے مجھ کو سودائی ایک مدت سے میرے سر ہی نہیں ہم قیامت سے بھی ہوئے بے فکر شب ہجراں کی جب سحر ہی نہیں پاؤں پھیلائے مست ہوتے ہیں فقرا کیونکہ مال و زر ہی نہیں وہ تو مجھ کو جلائے جائیں گے بعد مردن بھی عمر بھر ہی نہیں بعد مردن ہے حشر کا کھٹکا میری جاں فکر سے مفر ہی نہیں مرغ بے وجہ چیخے جاتا ہے یہ نہ بولے تو جانور ہی نہیں ظلم پر اب ہے آسماں نادم سر بھی نیچا ہے اک نظر ہی نہیں توبہ توبہ ہزارہا شرطیں کیا بتاؤں اگر مگر ہی نہیں پھرتے ہو سیکڑوں ندیدوں میں تم کو خوف نظر گزر ہی نہیں آدمی آدمی ہے عزت سے آب جس میں نہ ہو گہر ہی نہیں کم ہے یہ زاد راہ اے پرویںؔ تم کو اندازۂ سفر ہی نہیں
English rendering
Nek-o-bad ki jise khabar hi nahin Shar hai kambakht woh bashar hi nahin Woh hain kis haal mein khabar hi nahin Sar bhi neecha hai ek nazar hi nahin Haath khaali hai maal-o-zar hi nahin Kya uden jabke baal-o-par hi nahin Mai ki babat khayal kar waaiz Is mein nafe bhi hain zarar hi nahin Sharm se tere roo-e-roshan ke Shams bhi zard hai qamar hi nahin Jis ke baais hai zindagi be-lutf Lutf ye hai use khabar hi nahin Raah har dil ko hoti hai dil se Mere dil ki unhein khabar hi nahin Yaar to qatl-e-aam kar daale Tegh baandhe kahan kamar hi nahin Zabt ki nisbat aap ka hai khayal Main hoon aashiq mere jigar hi nahin Mere seena ko cheer kar dekho Dil bhi rota hai chashm-e-tar hi nahin Aasman lakh baar dushman ho Kya ho barbaad mere ghar hi nahin Kaun kehta hai mujh ko saudai Ek muddat se mere sar hi nahin Hum qayamat se bhi hue befikr Shab-e-hijraan ki jab sahar hi nahin Paaon phailaaye mast hote hain Fuqra kyunke maal-o-zar hi nahin Woh to mujh ko jalaaye jayenge Ba'd-e-mardan bhi umr bhar hi nahin Ba'd-e-mardan hai hashar ka khatka Meri jaan fikr se mafar hi nahin Murgh be-wajah cheekhe jaata hai Ye na bole to jaanwar hi nahin Zulm par ab hai aasman nadim Sar bhi neecha hai ek nazar hi nahin Tauba tauba hazar-ha shartein Kya bataaun agar magar hi nahin Phirte ho saikdon nadeedon mein Tum ko khauf-e-nazar guzar hi nahin Aadmi aadmi hai izzat se Aab jis mein na ho gauhar hi nahin Kam hai ye zaad-e-raah aye Parveen Tum ko andaaza-e-safar hi nahin