بس یہی سوچ کے پہروں نہ رہا ہوش مجھے
بس یہی سوچ کے پہروں نہ رہا ہوش مجھے کر دیا ہو نہ کہیں تو نے فراموش مجھے تیری آنکھوں کا یہ مے خانہ سلامت ساقی مست رکھتا ہے ترا بادۂ سرجوش مجھے ہچکیاں موت کی آنے لگیں اب تو آ جا اور کچھ دیر میں شاید نہ رہے ہوش مجھے کب کا رسوا میرے اعمال مجھے کر دیتے میری قسمت کہ ملا تجھ سا خطا پوش مجھے کس کی آہٹ سے یہ سویا ہوا دل جاگ اٹھا کر دیا کس کی صدا نے ہمہ تن گوش مجھے یاد کرتا رہا تسبیح کے دانوں پہ جسے کر دیا ہے اسی ظالم نے فراموش مجھے ایک دو جام سے نیت مری بھر جاتی تھی تری آنکھوں نے بنایا ہے بلانوش مجھے جیتے جی مجھ کو سمجھتے تھے جو اک بار گراں قبر تک لے کے گئے وہ بھی سر دوش مجھے مجھ پہ کھلنے نہیں دیتا وہ حقیقت میری حجلۂ ذات میں رکھتا ہے وہ روپوش مجھے صحبت میکدہ یاد آئے گی سب کو برسوں نام لے لے کے مرا روئیں گے مے نوش مجھے بوئے گل مانگنے آئے مرے ہونٹوں سے مہک چومنے کو ترے مل جائیں جو پاپوش مجھے زندگی کے غم و آلام کا مارا تھا میں ماں کی آغوش لگی قبر کی آغوش مجھے دے بھی سکتا ہوں نصیرؔ اینٹ کا پتھر سے جواب وہ تو رکھا ہے مرے ظرف نے خاموش مجھے
English rendering
Bas yahi soch ke pahron na raha hosh mujhe Kar diya ho na kahin tu ne faramosh mujhe Teri aankhon ka yeh mai-khana salamat saaqi Mast rakhta hai tera baada-e-sarjosh mujhe Hichkiyan maut ki aane lagin ab to aa ja Aur kuch der mein shayad na rahe hosh mujhe Kab ka ruswa mere a'amal mujhe kar dete Meri qismat ke mila tujh sa khata-posh mujhe Kis ki aahat se yeh soya hua dil jaag utha Kar diya kis ki sada ne hama tan gosh mujhe Yaad karta raha tasbeeh ke danon pe jise Kar diya hai usi zaalim ne faramosh mujhe Ek do jaam se niyat meri bhar jaati thi Teri aankhon ne banaya hai balanosh mujhe Jeete ji mujh ko samajhte the jo ik baar-e-giraan Qabr tak le ke gaye woh bhi sar-e-dosh mujhe Mujh pe khulne nahin deta woh haqeeqat meri Hijla-e-zaat mein rakhta hai woh rooposh mujhe Sohbat-e-maikada yaad aayegi sab ko barson Naam le le ke mera roenge mai-nosh mujhe Boo-e-gul mangne aaye mere honton se mehak Chumne ko tere mil jaayen jo paposh mujhe Zindagi ke gham o aalaam ka mara tha main Maan ki aaghosh lagi qabr ki aaghosh mujhe De bhi sakta hoon Naseer eent ka patthar se jawab Woh to rakha hai mere zarf ne khamosh mujhe