بسے ہیں آپ مرے دل میں عمر بھر کے لئے
بسے ہیں آپ مرے دل میں عمر بھر کے لئے صدف بنا تھا یہ شاید اسی گہر کے لئے بلا خریدی ہے میں نے یہ عمر بھر کے لئے تمہاری زلف کا سودا ہے میرے سر کے لئے جو بے غرض نہ ہو جس میں نہ ہو خلوص کوئی سلام ایسے تعلق کو عمر بھر کے لئے شب فراق کی لذت کہاں نصیب انہیں دعائیں مانگتے رہتے ہیں جو سحر کے لئے ہوا یہی کہ رکے بزم غیر میں جا کر ارادہ کر کے چلے تھے وہ میرے گھر کے لئے ہمارے دل کو متاع حیات کب سمجھا تھا نشانہ چاہیے اس شوخ کو نظر کے لئے جو داستان غم و درد کا خلاصہ ہو مجھے وہ اشک ہے درکار چشم تر کے لئے ہوس کی آنکھ سے اوجھل ہے بندگی کا مقام علو عجز ہی معراج ہے بشر کے لئے عدم کو لے کے چلا ہوں نصیرؔ داغ فراق یہ زاد راہ بہت ہے مجھے سفر کے لئے
English rendering
Base hain aap mere dil mein umr bhar ke liye Sadaf bana tha ye shayad isi gohar ke liye Bala khareedi hai main ne ye umr bhar ke liye Tumhari zulf ka sauda hai mere sar ke liye Jo be-gharaz na ho jis mein na ho khuloos koi Salam aise ta'alluq ko umr bhar ke liye Shab-e-firaq ki lazzat kahan naseeb unhein Duaaen mangte rehte hain jo sahar ke liye Hua yahi ke ruke bazm-e-ghair mein ja kar Irada kar kar ke chale the wo mere ghar ke liye Hamare dil ko mata-e-hayat kab samjha tha Nishana chahiye us shokh ko nazar ke liye Jo dastaan-e-gham-o-dard ka khulasa ho Mujhe wo ashk hai darkaar chashm-e-tar ke liye Hawas ki aankh se ojhal hai bandagi ka muqam Ulu-e-ajz hi me'raj hai bashar ke liye Adam ko le ke chala hoon Naseer! dagh-e-firaq Ye zaad-e-raah bahut hai mujhe safar ke liye