ہر طرف سے جھانکتا ہے روئے جانانہ مجھے
ہر طرف سے جھانکتا ہے روئے جانانہ مجھے محفل ہستی ہے گویا آئینہ خانہ مجھے اک قیامت ڈھائے گا دنیا سے اٹھ جانا مرا یاد کر کے روئیں گے یاران میخانہ مجھے دل ملاتے بھی نہیں دامن چھڑاتے بھی نہیں تم نے آخر کیوں بنا رکھا ہے دیوانہ مجھے یا کمال قرب ہو یا انتہائے بعد ہو یا نبھانا ساتھ یا پھر بھول ہی جانا مجھے تو ہی بتلا اس تعلق کو بھلا کیا نام دوں ساری دنیا کہہ رہی ہے تیرا دیوانہ مجھے جس کے سناٹے ہوں میری خامشی سے ہم کلام کاش مل جائے نصیرؔ اک ایسا ویرانہ مجھے
English rendering
Har taraf se jhaankta hai roo-e-jaanana mujhe Mehfil-e-hasti hai goya aaina-khana mujhe Ek qayamat dhaayega duniya se uth jaana mera Yaad kar kar ke royenge yaraan-e-maikhana mujhe Dil milate bhi nahin daman chhudaate bhi nahin Tum ne akhir kyun bana rakha hai deewana mujhe Ya kamaal-e-qurb ho ya inteha-e-baad ho Ya nibhana saath ya phir bhool hi jaana mujhe Tu hi batla is taalluq ko bhala kya naam doon Saari duniya keh rahi hai tera deewana mujhe Jis ke sannaate hon meri khamoshi se hum-kalaam Kaash mil jaaye Naseerؔ ek aisa veerana mujhe