کسی کافر کو نہ دیں دار کو اپنا کرنا
کسی کافر کو نہ دیں دار کو اپنا کرنا ایک لمحے کے لئے یار کو اپنا کرنا عشق میں قرب کا ارمان بھی کیا ارماں ہے سائے کو چھوڑنا دیوار کو اپنا کرنا ہمیں بھولی نہیں اب تک وفا کی چالیں یاد ہے اس بت عیار کو اپنا کرنا کرچیاں چننا سدا اپنے انا پیکر کی اپنے ٹوٹے ہوئے پندار کو اپنا کرنا ناز بے جا نہ اٹھانا کسی اہل زر کے کسی مفلس کے دل زار کو اپنا کرنا اس کی بانہوں کے سہارے کی تمنا جیسے دھوپ میں سایۂ دیوار کو اپنا کرنا تو ہی وہ یوسف دوراں ہے کہ آتا ہے جسے اک جھلک میں بھرے بازار کو اپنا کرنا اپنے ہو کر بھی یہ اپنے نہیں بنتے اپنے ہو سکے تو دل اغیار کو اپنا کرنا وہ تو اک بات تھی ہم جس پہ اڑے بیٹھے ہیں ورنہ آتا ہے ہمیں یار کو اپنا کرنا دل کے بدلے میں جو دل مانگے تو پھر بسم اللہ جنس الفت کے خریدار کو اپنا کرنا پاک بازوں کا بہا لے گیا زعم تقوی یہ تیرا مجھ سے گنہ گار کا اپنا کرنا لاکھ اندھوں کی خجالت سے کہیں بہتر ہے صرف ایک دیدۂ بے دار کو اپنا کرنا غم فرقت میں تڑپنا ہے مقدر اپنا اپنی قسمت میں کہاں یار کو اپنا کرنا روزمرہ کا یہ ہے کھیل نصیرؔ ان کے لئے ایک دو باتوں میں دو چار کو اپنا کرنا
English rendering
Kisi kaafir ko na dein dar ko apna karna Ek lamhe ke liye yaar ko apna karna Ishq mein qurb ka armaan bhi kya armaan hai Saaye ko chhodna deewar ko apna karna Hamein bhooli nahin ab tak wafa ki chaalein Yaad hai us but-e-ayyar ko apna karna Karchiyan chunna sada apne ana paikar ki Apne toote hue pindaar ko apna karna Naaz beja na uthana kisi ahl-e-zar ke Kisi muflis ke dil-e-zaar ko apna karna Us ki banhon ke sahare ki tamanna jaise Dhoop mein saa-e-deewar ko apna karna Tu hi wo Yusuf-e-dauran hai ke aata hai jise Ek jhalak mein bhare bazaar ko apna karna Apne ho kar bhi ye apne nahin bante apne Ho sake to dil-e-aghyar ko apna karna Wo to ek baat thi hum jis pe ade baithe hain Warna aata hai hamein yaar ko apna karna Dil ke badle mein jo dil maange to phir Bismillah Jins-e-ulfat ke khareedar ko apna karna Paak baazoon ka baha le gaya zaam-e-taqwa Ye tera mujh se gunahgaar ka apna karna Laakh andhon ki khijalat se kahin behtar hai Sirf ek deeda-e-bedaar ko apna karna Gham-e-furqat mein tadapna hai muqaddar apna Apni qismat mein kahan yaar ko apna karna Rozmarra ka ye hai khel Naseerؔ un ke liye Ek do baaton mein do chaar ko apna karna