کوئی دنیائے عطا میں نہیں ہمتا تیرا
کوئی دنیائے عطا میں نہیں ہمتا تیرا ہو جو حاتم کو میسر یہ نظارا تیرا کہہ اٹھے دیکھ کے بخشش میں یہ رتبہ تیرا واہ کیا جود و کرم ہے شہ بطحیٰ تیرا نہیں سنتا ہی نہیں مانگنے والا تیرا کچھ بشر ہونے کے ناتے تجھے خود سا جانیں اور کچھ محض پیامی ہی خدا کا جانیں ان کی اوقات ہی کیا ہے کہ یہ اتنا جانیں فرش والے تری عظمت کا علو کیا جانیں خسروا عرش پہ اڑتا ہے پھریرا تیرا جو تصور میں ترا پیکر زیبا دیکھیں روئے والشمس تکیں مطلع سیما دیکھیں کیوں بھلا اب وہ کسی اور کا چہرا دیکھیں تیرے قدموں میں جو ہیں غیر کا منہ کیا دیکھیں کون نظروں پہ چڑھے دیکھ کے تلوا تیرا مجھ سے ناچیز پہ ہے تیری عنایت کتنی تو نے ہر گام پہ کی میری حمایت کتنی کیا بتاؤں تری رحمت میں ہے وسعت کتنی ایک میں کیا مرے عصیاں کی حقیقت کتنی مجھ سے سو لاکھ کو کافی ہے اشارا تیرا کئی پشتوں سے غلامی کا یہ رشتہ ہے بحال یہیں طفلی و جوانی کے بتائے مہ و سال اب بڑھاپے میں خدا را ہمیں یوں در سے نہ ٹال تیرے ٹکڑوں پہ پلے غیر کی ٹھوکر پہ نہ ڈال جھڑکیاں کھائیں کہاں چھوڑ کے صدقہ تیرا غم دوراں سے جو گھبرائیے کس سے کہیے اپنی الجھن کو بتلائیے کس سے کہیے چیر کر دل کسے دکھلائیے کس سے کہیے کسی کا منہ تکیے کہاں جائیے کس سے کہیے تیرے ہی قدموں پہ مٹ جائے یہ پالا تیرا نظر عشاق نبی ہے یہ مرا حرف غریب منبر وعظ پہ لڑتے رہیں آپس میں خطیب یہ عقیدہ رہے اللہ کرے مجھ کو نصیب میں تو مالک ہی کہوں گا کہ ہو مالک کے حبیب یعنی محبوب و محب میں نہیں میرا تیرا خوگر قربت و دیدار پہ کیسی گزرے کیا خبر اس کے دل زار پہ کیسی گزرے ہجر میں اس ترے بیمار پہ کیسی گزرے دور کیا جانیے بد کار پہ کیسی گزرے تیرے ہی در پہ مرے بیکس و تنہا تیرا تجھ سے ہر چند وہ ہیں قدر و فضائل میں رفیع کر نصیرؔ آج مگر فکرِ رضا کی توسیع زینت نطق ترے اس کا ہو یہ شعر وقیع تیری سرکار میں لاتا ہے رضا اس کو شفیع جو مرا غوث ہے اور لاڈلا بیٹا تیرا
English rendering
Koi duniya-e-ata mein nahin hamta tera Ho jo Hatim ko mayassar yeh nazara tera Keh uthe dekh ke bakhshish mein yeh rutba tera Wah kya jood-o-karam hai Shah-e-Bat'ha tera Nahin sunta hi nahin mangne wala tera Kuch bashar hone ke naate tujhe khud sa jaanen Aur kuch mahaz payami hi Khuda ka jaanen In ki auqaat hi kya hai ke yeh itna jaanen Farsh wale teri azmat ka ulu kya jaanen Khusrawa arsh pe udta hai pharera tera Jo tasawwur mein tera paikar-e-zeba dekhen Roo-e-walsh-shams takein matla-e-seema dekhen Kyun bhala ab woh kisi aur ka chehra dekhen Tere qadmon mein jo hain ghair ka munh kya dekhen Kaun nazron pe chadhe dekh ke talwa tera Mujh se naacheez pe hai teri inayat kitni Tu ne har gaam pe ki meri himayat kitni Kya bataun teri rehmat mein hai wus'at kitni Ek main kya mere isyaan ki haqeeqat kitni Mujh se sau lakh ko kaafi hai ishara tera Kai pushton se ghulami ka yeh rishta hai bahal Yahīn tifli o jawani ke bataye mah o saal Ab budhape mein Khudara hamein yoon dar se na taal Tere tukdon pe pale ghair ki thokhar pe na daal Jhadkiyan khayen kahan chhod ke sadqa tera Gham-e-dauraan se jo ghabraaye kis se kahiye Apni uljhan ko batlaiye kis se kahiye Cheer kar dil kise dikhlaiye kis se kahiye Kisi ka munh takiye kahan jaaiye kis se kahiye Tere hi qadmon pe mit jaaye yeh paala tera Nazar-e-ushshaq-e-Nabi hai yeh mera harf-e-ghareeb Mimbar-e-wa'az pe ladte rahen aapas mein khatīb Yeh aqeeda rahe Allah kare mujh ko naseeb Main to malik hi kahunga ke ho malik ke habīb Ya'ni mehboob o muhabb mein nahin mera tera Khugar-e-qurbat o deedar pe kaisi guzre Kya khabar us ke dil-e-zaar pe kaisi guzre Hijr mein is tere beemar pe kaisi guzre Door kya jaaniye badkaar pe kaisi guzre Tere hi dar pe mare be-kas o tanha tera Tujh se har chand woh hain qadr-o-fazail mein rafee' Kar Naseer aaj magar fikr-e-Raza ki tau'see' Zeenat-e-nutq tere is ka ho yeh sher-e-waqee' Teri sarkar mein lata hai Raza is ko shafi' Jo mera ghous hai aur ladla beta tera