کوئی جائے طور پہ کس لیے کہاں اب وہ خوش نظری رہی
کوئی جائے طور پہ کس لیے کہاں اب وہ خوش نظری رہی نہ وہ ذوق دیدہ وری رہا نہ وہ شان جلوہ گری رہی جو خلش ہو دل کو سکوں ملے جو تپش ہو سوز دروں ملے وہ حیات اصل میں کچھ نہیں جو حیات غم سے بری رہی وہ خزاں کی گرم روی بڑھی تو چمن کا روپ جھلس گیا کوئی غنچہ سر نہ اٹھا سکا کوئی شاخ گل نہ ہری رہی مجھے بس ترا ہی خیال تھا ترا روپ میرا جمال تھا نہ کبھی نگاہ تھی حور پر نہ کبھی نظر میں پری رہی ترے آستاں سے جدا ہوا تو سکون دل نہ مجھے ملا مری زندگی کے نصیب میں جو رہی تو در بدری رہی ترا حسن آنکھ کا نور ہے ترا لطف وجہ سرور ہے جو ترے کرم کی نظر نہ ہو تو متاع دل نظری رہی جو ترے خیال میں گم ہوا تو تمام وسوسے مٹ گئے نہ جنوں کی جامہ دری رہی نہ خرد کی درد سری رہی مجھے بندگی کا مزا ملا مجھے آگہی کا صلہ ملا ترے آستانہ ناز پر جو دھری جبیں تو دھری رہی یہ مہہ و نجوم کی روشنی ترے حسن کا پرتو بدل نہیں ترا ہجر شب کا سہاگ تھا مرے غم کی مانگ بھری رہی رہ عشق میں جو ہوا گزر دل و جاں کی کچھ نہ رہی خبر نہ کوئی رفیق نہ ہم سفر مرے ساتھ بے خبری رہی ترے حاسدوں کو ملال ہے یہ نصیرؔ فن کا کمال ہے ترا قول تھا جو سند رہا تری بات تھی جو کھری رہی
English rendering
Koi jaaye Toor pe kis liye kahaan ab woh khush-nazari rahi Na woh zauq-e-deeda-vari raha na woh shaan-e-jalwa-gari rahi Jo khalish ho dil ko sukoon mile jo tapish ho soz-e-daroon mile Woh hayaat asal mein kuch nahin jo hayaat gham se bari rahi Woh khizaan ki garam-ravi badhi to chaman ka roop jhulas gaya Koi ghuncha sar na utha saka koi shaakh-e-gul na hari rahi Mujhe bas tera hi khayal tha tera roop mera jamaal tha Na kabhi nigaah thi hoor par na kabhi nazar mein pari rahi Tere aastaan se juda hua to sukoon-e-dil na mujhe mila Meri zindagi ke naseeb mein jo rahi to dar-badari rahi Tera husn aankh ka noor hai tera lutf wajh-e-suroor hai Jo tere karam ki nazar na ho to mata-e-dil nazari rahi Jo tere khayal mein gum hua to tamam vasvase mit gaye Na junoon ki jaama-dari rahi na khirad ki dard-sari rahi Mujhe bandagi ka maza mila mujhe aagahi ka sila mila Tere aastaana-e-naaz par jo dhari jabeen to dhari rahi Yeh mah-o-najoom ki roshni tere husn ka partau badal nahin Tera hijr shab ka suhaag tha mere gham ki maang bhari rahi Rah-e-ishq mein jo hua guzar dil-o-jaan ki kuch na rahi khabar Na koi rafeeq na hum-safar mere saath be-khabari rahi Tere haasidon ko malaal hai yeh Naseer! fan ka kamaal ہے Tera qaul tha jo sanad raha teri baat thi jo khari rahi