میری زندگی کا تجھ سے یہ نظام چل رہا ہے
میری زندگی کا تجھ سے یہ نظام چل رہا ہے ترا آستاں سلامت مرا کام چل رہا ہے نہیں عرش و فرش پر ہی تری عظمتوں کے چرچے تہ خاک بھی لحد میں ترا نام چل رہا ہے وہ تری عطا کے تیور، وہ ہجوم گرِد کوثر کہیں شورِ مَے کشاں ہے کہیں جام چل رہا ہے کسی وقت یا محمد کی صدا کو میں نہ بھُولا دمِ نزع بھی زباں پر یہ کلام چل رہا ہے مرے ہاتھ آگئی ہے یہ کلید قُفلِ مقصد ترا نام لے رہا ہوں مرا کام چل رہا ہے کوئی یاد آ رہا ہے مرے دل کو آج شاید جو یہ سیل اشکِ حسرت سرِ شام چل رہا ہے وہ برابری کا تُو نے دیا درس آدمی کو کہ غلام ناقََہ پر ہے تو امام چل رہا ہے ترے لطف خسروی پر مرا کٹ رہا ہے جیون میرے دن گزر رہے ہیں میرا کام چل رہا ہے مجھے اس قدر جہاں میں نہ قبول عام ملتا ترے نام کے سہارے مرا نام چل رہا ہے تری مہر کیا لگی کہ کوئی ہنر نہ ہوتے مری شاعری کا سکہ سرِ عام چل رہا ہے میں ترے نثار آقا ! یہ حقیر پر نوازش مجھے جانتی ہے دنیا مرا نام چل رہا ہے ترا اُمتی بس اتنی ہی تمیز کاش کر لے وہ حلا ل کھا رہا ہے کہ حرام چل رہا ہے کڑی دھوپ کے سفر میں نہیں کچھ نصیر کو غم ترے سایہ کرم میں یہ غلام چل رہا ہے
English rendering
Meri zindagi ka tujh se yeh nizaam chal raha hai Tera aastaan salamat mera kaam chal raha hai Nahin arsh o farsh par hi teri azmaton ke charche Teh-e-khak bhi lahad mein tera naam chal raha hai Woh teri ata ke tewar, woh hajoom gird-e-kausar Kahin shor-e-mai-kashaan hai kahin jaam chal raha hai Kisi waqt ya Muhammad ki sada ko main na bhoola Dam-e-naza bhi zabaan par yeh kalaam chal raha hai Mere haath aagayi hai yeh kaleed-e-qufl-e-maqsad Tera naam le raha hoon mera kaam chal raha hai Koi yaad aa raha hai mere dil ko aaj shayad Jo yeh sail-e-ashk-e-hasrat sar-e-sham chal raha hai Woh barabari ka tu ne diya dars aadmi ko Ke ghulam-e-naqa par hai to imaam chal raha hai Tere lutf-e-khusrawi par mera kat raha hai jeevan Mere din guzar rahe hain mera kaam chal raha hai Mujhe is qadar jahan mein na qubool-e-aam milta Tere naam ke sahare mera naam chal raha hai Teri meher kya lagi ke koi hunar na hote Meri shayari ka sikka sar-e-aam chal raha hai Main tere nisaar aaqa! Yeh haqeer par nawazish Mujhe jaanti hai duniya mera naam chal raha hai Tera ummati bas itni hi tameez kaash kar le Woh halal kha raha hai ke haraam chal raha hai Kadi dhoop ke safar mein nahin kuch Naseer ko gham Tere saya-e-karam mein yeh ghulam chal raha hai