مری زندگی تو فراق ہے وہ ازل سے دل میں مکیں سہی
مری زندگی تو فراق ہے وہ ازل سے دل میں مکیں سہی وہ نگاہ شوق سے دور ہیں رگ جاں سے لاکھ قریں سہی ہمیں جان دینی ہے ایک دن وہ کسی طرح وہ کہیں سہی ہمیں آپ کھینچے دار پر جو نہیں کوئی تو ہمیں سہی غم زندگی سے فرار کیا یہ سکون کیوں یہ قرار کیا غم زندگی بھی ہے زندگی جو نہیں خوشی تو نہیں سہی سر طور ہو سر حشر ہو ہمیں انتظار قبول ہے وہ کبھی ملیں وہ کہیں ملیں وہ کبھی سہی وہ کہیں سہی نہ ہو ان پہ جو مرا بس نہیں کہ یہ عاشقی ہے ہوس نہیں میں انہیں کا تھا میں انہیں کا ہوں وہ مرے نہیں تو نہیں سہی مجھے بیٹھنے کی جگہ ملے مری آرزو کا بھرم رہے تری انجمن میں اگر نہیں تری انجمن کے قریں سہی ترے واسطے ہے یہ وقف سر رہے تا ابد ترا سنگ در کوئی سجدہ ریز نہ ہو سکے تو نہ ہو مری ہی جبیں سہی مری زندگی کا نقیب ہے نہیں دور مجھ سے قریب ہے مجھے اس کا غم تو نصیب ہے وہ اگر نہیں تو نہیں سہی جو ہو فیصلہ وہ سنائیے اسے حشر پر نہ اٹھائیے جو کریں گے آپ ستم وہاں وہ ابھی سہی وہ یہیں سہی اسے دیکھنے کی جو لو لگی تو نصیرؔ دیکھ ہی لیں گے ہم وہ ہزار آنکھ سے دور ہو وہ ہزار پردہ نشیں سہی
English rendering
Meri zindagi to firaaq hai wo azal se dil mein makeen sahi Wo nigah-e-shauq se door hain rag-e-jaan se lakh qareen sahi Hamen jaan deni hai ek din wo kisi tarah wo kahin sahi Hamen aap khenche daar par jo nahin koi to hamen sahi Gham-e-zindagi se faraar kya ye sukoon kyun ye qaraar kya Gham-e-zindagi bhi hai zindagi jo nahin khushi to nahin sahi Sar-e-Toor ho sar-e-Hashr ho hamen intezaar qubool hai Wo kabhi milen wo kahin milen wo kabhi sahi wo kahin sahi Na ho un pe jo mera bas nahin ke ye aashiqi hai hawas nahin Main unheen ka tha main unheen ka hoon wo mere nahin to nahin sahi Mujhe baiṭhne ki jagah mile meri aarzoo ka bharam rahe Teri anjuman mein agar nahin teri anjuman ke qareen sahi Tere waste hai ye waqf-e-sar rahe taa-abad tera sang-e-dar Koi sajda-rez na ho sake to na ho meri hi jabeen sahi Meri zindagi ka naqeeb hai nahin door mujh se qareeb hai Mujhe us ka gham to naseeb hai wo agar nahin to nahin sahi Jo ho faisla wo sunaiye use Hashr par na uṭhaiye Jo karenge aap sitam wahan wo abhi sahi wo yaheen sahi Use dekhne ki jo lau lagi to Naseer! dekh hi lenge hum Wo hazaar aankh se door ho wo hazaar parda-nasheen sahi