منتظر خود ہے بصد شوق، خدا آج کی رات
منتظر خود ہے بصد شوق، خدا آج کی رات کس کی آمد ہے سرِ عرشِ عُلٰی آج کی رات فاصلے گھٹ گئے، یُوں قُرب بڑھا آج کی رات عبد و معبود میں پردہ نہ رہا آج کی رات بخشوا لیں گے وہ امت کو خدا سے اپنے مانا جائے گا ضرور اُن کا کہا آج کی رات قابَ قَوسَین کی صورت میں ہوا قرب و وصال کُھل گیا فلسفہء ثُمَّ دَنٰی آج کی رات آج کی رات کے انداز نرالے دیکھے پڑھ کے چلتی درود اُن پے ہوا آج کی رات رحمتِ سیدِ عالم ہیں دو عالم کو محیط کوئی عاصی نہیں محرومِ عطا آج کی رات جلوۂ حُسنِ حقیقت کی ضیا باری میں اپنے شہکار کو دیکھے گا خدا آج کی رات لگ کے قدموں سے ترے باغِ جناں تک پہنچی معتبر ہو گئی رفتارِ صبا آج کی رات خوش نصیبی ہے جو توفیقِ عبادت ہو نصؔیر مرحبا آج کا دن صّلِ علٰی آج کی رات
English rendering
Muntazir khud hai ba-sad shauq, Khuda aaj ki raat Kis ki aamad hai sar-e-arsh-e-ulaa aaj ki raat Faasle ghat gaye, yoon qurb badha aaj ki raat Abd o mabood mein parda na raha aaj ki raat Bakhshwa lenge woh ummat ko Khuda se apne Mana jayega zaroor un ka kaha aaj ki raat Qaba qawsain ki soorat mein hua qurb o wisaal Khul gaya falsafa-e-summa dana aaj ki raat Aaj ki raat ke andaaz nirale dekhe Padh ke chalti durood un pe hawa aaj ki raat Rahmat-e-Sayyid-e-Aalam hain do aalam ko muheet Koi aasi nahin mahroom-e-ata aaj ki raat Jalwa-e-husn-e-haqeeqat ki ziya baari mein Apne shehkaar ko dekhega Khuda aaj ki raat Lag ke qadmon se tere bagh-e-jinaan tak pahunchi Moatabar ho gayi raftaar-e-saba aaj ki raat Khush naseebi hai jo taufeeq-e-ibadat ho Naseer Marhaba aaj ka din sallay alaa aaj ki raat