ٹھان لی میں نے بھی ساقی یہیں مر جانے کی
ٹھان لی میں نے بھی ساقی یہیں مر جانے کی کتنی دل کش ہیں فضائیں تیرے مے خانے کی واہ کیا خوب نشانی ہے یہ مے خانے کی دل میں تصویر کھنچی رہتی ہے پیمانے کی صرف غم خاک بسر چاک گریباں مضطر قابل رحم ہے صورت تیرے دیوانے کی چاند بدلی میں دیکھا تو مجھے یاد آیا اس میں بھی ایک جھلک ہے ترے شرمانے کی یاد آتی ہیں کسی کی وہ نشیلی آنکھیں دیکھ کر شکل چھلکتے ہوئے پیمانے کی نزع کے وقت مبادا کوئی الزام آ جائے اس گھڑی آپ نہ تکلیف کریں آنے کی تو سلامت رہے گلشن کی بہاریں دیکھے یہ دعا ہے دم آخر تیرے دیوانے کی رند بد مست کی توبہ بھی کوئی توبہ ہے ٹوٹ جائے گی چھلک دیکھ کے پیمانے کی میں وہ ذرہ ہوں جو ہے مہر علی سے روشن کس قدر مجھ پہ عنایت میرے مولا نے کی آگ کا رزق ہے وہ سوختہ قسمت بھی نصیرؔ شمع تصویر ہے جلتے ہوئے پروانے کی
English rendering
Thaan li maine bhi saaqi yahin mar jaane ki Kitni dilkash hain fazayein tere mai-khaane ki Waah kya khoob nishaani hai yeh mai-khaane ki Dil mein tasveer khinchi rehti hai paimaane ki Sirf gham khaak basar chaak garebaan muztar Qaabil-e-rahm hai soorat tere deewane ki Chaand badli mein dekha to mujhe yaad aaya Is mein bhi ek jhalak hai tere sharmaane ki Yaad aati hain kisi ki woh nasheeli aankhen Dekh kar shakal chhalakte hue paimaane ki Nazaa ke waqt mubaada koi ilzaam aa jaaye Is ghadi aap na takleef karein aane ki Tu salaamat rahe gulshan ki bahaarein dekhe Yeh dua hai dam-e-aakhir tere deewane ki Rind-e-badmast ki tauba bhi koi tauba hai Toot jaayegi chhalak dekh ke paimaane ki Main woh zarra hoon jo hai mehr-e-Ali se roshan Kis qadar mujh pe inayat mere maula ne ki Aag ka rizq hai woh sokhta qismat bhi Naseer Shama-e-tasveer hai jalte hue parwaane ki