یہ مانا بے زباں ہوتے ہیں کانٹے
یہ مانا بے زباں ہوتے ہیں کانٹے مگر آزارِ جاں ہوتے ہیں کانٹے گُلوں سے راہ و رسم اچّھی نہیں ہے رگِ گُل میں نہاں ہوتے ہیں کانٹے محبّت کی عجب اَٹھکیلیاں ہیں دِلوں کے درمیاں ہوتے ہیں کانٹے سنبھلنا، اے چمن کے رہنے والو! شریکِ آشیاں ہوتے ہیں کانٹے بیاں کوئی کرے کیا اِن کی فطرت خود اپنی داستاں ہوتے ہیں کانٹے وہ صحرا تھا، خلش کوئی نہیں تھی یہ گُلشن ہے، یہاں ہوتے ہیں کانٹے چلے تھے جو گُلوں سے عشق کرنے اُنہیں اب کیوں گراں ہوتے ہیں کانٹے مِرا دامن ہے یہ، جھٹکو اِسے تم یہیں پل کر جواں ہوتے ہیں کانٹے چبھن کُچھ اور بڑھ جاتی ہے اِن کی کہاں نذرِ خزاں ہوتے ہیں کانٹے سکوں پائیں نصِیرؔ اہلِ چمن کیا جہاں جائیں، وہاں ہوتے ہیں کانٹے۔
English rendering
Yeh mana be-zaban hote hain kaante Magar azaar-e-jaan hote hain kaante Gulon se raah o rasm achhi nahin hai Rag-e-gul mein nihaan hote hain kaante Mohabbat ki ajab athkheliyaan hain Dilon ke darmiyaan hote hain kaante Sambhalna, ae chaman ke rehne walo! Shareek-e-ashiyan hote hain kaante Bayaan koi kare kya in ki fitrat Khud apni dastaan hote hain kaante Woh sehra tha, khalish koi nahin thi Yeh gulshan hai, yahan hote hain kaante Chale the jo gulon se ishq karne Unhein ab kyun giraan hote hain kaante Mera daaman hai yeh, jhatko ise tum Yahim pal kar jawaan hote hain kaante Chubhan kuch aur badh jaati hai in ki Kahaan nazr-e-khizaan hote hain kaante Sakon paayein Naseer ahl-e-chaman kya Jahan jaayein, wahan hote hain kaante