اس تفکر میں سرِ بزم سحر ہوتی ہے
اس تفکر میں سرِ بزم سحر ہوتی ہے کس کو وہ دیکھتے ہیں کس پہ نظر ہوتی ہے مسکرا کر مجھے یوں دیکھ کے دھوکا تو دو جانتا ہوں جو محبت کی نظر ہوتی ہے تم کیا چیز ہو کونین سمٹ آتے ہیں ایک وہ بھی کششِ ذوقِ نظر ہوتی ہے آئینہ دیکھنے والے یہ خبر ہے تجھ کو کبھی انسان پہ اپنی ہی نظر ہوتی ہے تم مرے سامنے گیسو کو سنوارا نہ کرو تم تو اٹھ جاتے ہو دنیا مرے سر ہوتی ہے عشق میں وجہ تباہی نہیں ہوتا کوئی اپنا دل ہوتا ہے یا اپنی نظر ہوتی ہے نزع میں سامنے بیمار کے تم بھی آؤ یہ وہ عالم ہے اک اک پہ نظر ہوتی ہے دل تڑپتا ہے تو پھر جاتی ہے موت آنکھوں میں کس غضب کی خلشِ تیرِ نظر ہوتی ہے جان دے دیں گے کسی دامنِ صحرا میں قمر مر گیا کون کہاں کس کو خبر ہوتی ہے
English rendering
Is tafakkur mein sar-e-bazm-e-sahar hoti hai Kis ko woh dekhte hain kis pe nazar hoti hai Muskura kar mujhe yoon dekh ke dhoka to do Jaanta hoon jo mohabbat ki nazar hoti hai Tum kya cheez ho kaunain simat aate hain Ek woh bhi kashish-e-zauq-e-nazar hoti hai Aaina dekhne wale yeh khabar hai tujh ko Kabhi insan pe apni hi nazar hoti hai Tum mere saamne gesu ko sanwara na karo Tum to uth jaate ho duniya mere sar hoti hai Ishq mein wajah-e-tabahi nahin hota koi Apna dil hota hai ya apni nazar hoti hai Naza mein saamne beemar ke tum bhi aao Yeh woh alam hai ek ek pe nazar hoti hai Dil tadapta hai to phir jaati hai maut ankhon mein Kis ghazab ki khalish-e-teer-e-nazar hoti hai Jaan de denge kisi daman-e-sahra mein Qamarؔ Mar gaya kaun kahan kis ko khabar hoti hai