کب میرا نشیمن اہل چمن گلشن میں گوارا کرتے ہیں
کب میرا نشیمن اہل چمن گلشن میں گوارا کرتے ہیں غنچے اپنی آوازوں میں بجلی کو پکارا کرتے ہیں اب نزع کا عالم ہے مجھ پر تم اپنی محبت واپس لو جب کشتی ڈوبنے لگتی ہے تو بوجھ اتارا کرتے ہیں جاتی ہوئی میت دیکھ کے بھی واللہ تم اٹھ کے آ نہ سکے دو چار قدم تو دشمن بھی تکلیف گوارا کرتے ہیں بے وجہ نہ جانے کیوں ضد ہے ان کو شب فرقت والوں سے وہ رات بڑھا دینے کے لیے گیسو کو سنوارا کرتے ہیں پونچھو نہ عرق رخساروں سے رنگینئ حسن کو بڑھنے دو سنتے ہیں کہ شبنم کے قطرے پھولوں کو نکھارا کرتے ہیں کچھ حسن و عشق میں فرق نہیں ہے بھی تو فقط رسوائی کا تم ہو کہ گوارا کر نہ سکے ہم ہیں کہ گوارا کرتے ہیں تاروں کی بہاروں میں بھی قمرؔ تم افسردہ سے رہتے ہو پھولوں کو تو دیکھو کانٹوں میں ہنس ہنس کے گزارا کرتے ہیں
English rendering
Kab mera nasheman ahl-e-chaman gulshan mein gawara karte hain Ghunche apni awaazon mein bijli ko pukara karte hain Ab naza ka aalam hai mujh par tum apni mohabbat wapas lo Jab kashti doobne lagti hai to bojh utara karte hain Jaati hui maiyat dekh ke bhi wallah tum uth ke aa na sake Do chaar qadam to dushman bhi takleef gawara karte hain Be wajah na jaane kyun zid hai in ko shab-e-furqat walon se Woh raat badha dene ke liye gesu ko sanwara karte hain Poonchho na araq rukhsaron se rangeeni-e-husn ko badhne do Sunte hain ke shabnam ke qatre phoolon ko nikhara karte hain Kuch husn-o-ishq mein farq nahin hai bhi to faqat ruswai ka Tum ho ke gawara kar na sake hum hain ke gawara karte hain Taaron ki baharon mein bhi Qamarؔ tum afsurda se rehte ho Phoolon ko to dekhho kaanton mein hans hans ke guzara karte hain