مریض محبت انہیں کا فسانہ سناتا رہا دم نکلتے نکلتے
مریض محبت انہیں کا فسانہ سناتا رہا دم نکلتے نکلتے مگر ذکر شام الم کا جب آیا چراغ سحر بجھ گیا جلتے جلتے انہیں خط میں لکھا تھا دل مضطرب ہے جواب ان کا آیا محبت نہ کرتے تمہیں دل لگانے کو کس نے کہا تھا بہل جائے گا دل بہلتے بہلتے مجھے اپنے دل کی تو پروا نہیں ہے مگر ڈر رہا ہوں کہ بچپن کی ضد ہے کہیں پائے نازک میں موچ آ نہ جائے دل سخت جان کو مسلتے مسلتے بھلا کوئی وعدہ خلافی کی حد ہے حساب اپنے دل میں لگا کر تو سوچو قیامت کا دن آ گیا رفتہ رفتہ ملاقات کا دن بدلتے بدلتے ارادہ تھا ترک محبت کا لیکن فریب تبسم میں پھر آ گئے ہم ابھی کھا کے ٹھوکر سنبھلنے نہ پائے کہ پھر کھائی ٹھوکر سنبھلتے سنبھلتے بس اب صبر کر رہرو راہ الفت کہ تیرے مقدر میں منزل نہیں ہے ادھر سامنے سر پہ شام آ رہی ہے ادھر تھک گئے پاؤں بھی چلتے چلتے وہ مہمان میرے ہوئے بھی تو کب تک ہوئی شمع گل اور نہ ڈوبے ستارے قمرؔ اس قدر ان کو جلدی تھی گھر کی کہ گھر چل دئے چاندنی ڈھلتے ڈھلتے
English rendering
Mareez-e-mohabbat unhein ka fasana sunata raha dam nikalte nikalte Magar zikr-e-shaam-e-alam ka jab aaya chiragh-e-sahar bujh gaya jalte jalte Unhein khat mein likha tha dil muztarib hai jawab un ka aaya mohabbat na karte Tumhein dil lagane ko kis ne kaha tha bahal jaaye ga dil bahalte bahalte Mujhe apne dil ki to parwa nahin hai magar dar raha hoon ke bachpan ki zid hai Kahin paaye nazuk mein moch aa na jaaye dil sakht jaan ko masalte masalte Bhala koi waada khilafi ki had hai hisab apne dil mein laga kar to socho Qayamat ka din aa gaya rafta rafta mulaqat ka din badalte badalte Irada tha tark-e-mohabbat ka lekin fareb-e-tabassum mein phir aa gaye hum Abhi kha ke thokar sambhalne na paaye ke phir khai thokar sambhalte sambhalte Bas ab sabr kar rahro-e-rah-e-ulfat ke tere muqaddar mein manzil nahin hai Idhar saamne sar pe shaam aa rahi hai idhar thak gaye paaon bhi chalte chalte Woh mehman mere hue bhi to kab tak hui shama gul aur na doobe sitare Qamarؔ is qadar un ko jaldi thi ghar ki ke ghar chal diye chandni dhalte dhalte