ہم انتظار میں ہیں
یہ سرخ جنگ جو برپا ہوئی ہے سرحد پر یہ تیز آگ جو پھیلی ہے کوہساروں میں زیادہ روز نہ چھڑکے گی وادیوں میں لہو زیادہ دیر نہ ٹھہرے گی لالہ زاروں میں شکست کھائیں گے باد شمال کے جھونکے رگ نمو ابھی زندہ ہے شاخساروں میں بڑے غرور سے آئے ہیں دشمنان وطن انہیں بہا دو انہی کے لہو کے دھاروں میں جہاں سے قافلۂ نوبہار گزرے گا چراغ تم نے جلائے ہیں ان دیاروں میں دعائیں دیں گے تمہارے بدن کے زخموں کو کھلیں گے پھول جو اگلے برس بہاروں میں فنا نصیب ہیں دشمن کے حوصلوں کے محل انہیں ملا دو ہمالہ کے سنگ پاروں میں جہاں سے قافلۂ نوبہار گزرے گا چراغ تم نے جلائے ہیں ان دیاروں میں دعائیں دیں گے تمہارے بدن کے زخموں کو کھلیں گے پھول جو اگلے برس بہاروں میں فنا نصیب ہیں دشمن کے حوصلوں کے محل انہیں ملا دو ہمالہ کے سنگ پاروں میں ہماری روح کی آواز ہے یقین کرو تمہارا نام بھی شامل ہو جاں نثاروں میں تمہارے ہاتھ میں سب سے بلند پرچم ہو چلیں وطن کے سپاہی جہاں قطاروں میں تمہارے ہونٹوں پہ نغمے ہوں کامرانی کے تمہارے پاؤں کی مٹی اڑے ستاروں میں ہماری فکر نہ کرنا کہ ہم اداس نہیں وطن کے نام پہ جی لیں گے خارزاروں میں خزاں کے زخم سے دو دن لہو ٹپکتا ہے پھر اس کی یاد بھی آتی نہیں بہاروں میں دم وداع جو پل بھر کو دل میں جاگا تھا وہ درد ڈوب گیا آنسوؤں کی دھاروں میں وہ اس حسین جدائی کا لطف کیا جانیں ہمیں جو لوگ سمجھتے ہیں سوگواروں میں ہم اپنے گھر میں اکیلے ہیں اور نہیں بھی ہیں تمہاری یاد کی خوشبو ہے غم گساروں میں تمہیں قسم جو محبت کی آگ یاد آئے ہمالیہ کے سمن پوش برف زاروں میں تمہیں قسم جو ہمارا سہاگ یاد آئے محاذ جنگ پہ تلوار کے حصاروں میں کب آ رہے ہو لکھو فتح کا نشاں لے کر ہم انتظار میں ہیں نذر جسم و جاں لے کر
English rendering
Yeh surkh jang jo barpa hui hai sarhad par Yeh tez aag jo phaili hai kohsaron mein Zyada roz na chhidke gi wadiyon mein lahoo Zyada der na thehre gi lala-zaron mein Shikast khaenge baad-e-shumaal ke jhonke Rag-e-numu abhi zinda hai shaakhsaron mein Bade ghuroor se aaye hain dushmanan-e-watan Inhein baha do inhi ke lahoo ke dhaaron mein Jahan se qaafila-e-nau-bahaar guzrega Charagh tum ne jalaye hain in diyaron mein Duaein denge tumhare badan ke zakhmon ko Khulenge phool jo agle baras bahaaron mein Fana naseeb hain dushman ke hauslon ke mahal Inhein mila do himala ke sang-e-paaron mein Jahan se qaafila-e-nau-bahaar guzrega Charagh tum ne jalaye hain in diyaron mein Duaein denge tumhare badan ke zakhmon ko Khulenge phool jo agle baras bahaaron mein Fana naseeb hain dushman ke hauslon ke mahal Inhein mila do himala ke sang-e-paaron mein Hamari rooh ki awaaz hai yaqeen karo Tumhara naam bhi shamil ho jaan-nisaron mein Tumhare haath mein sab se buland parcham ho Chalen watan ke sipahi jahan qataron mein Tumhare honton pe naghme hon kaamraani ke Tumhare paon ki mitti ude sitaron mein Hamari fikr na karna ke hum udaas nahin Watan ke naam pe jee lenge khaar-zaron mein Khizan ke zakhm se do din lahoo tapakta hai Phir us ki yaad bhi aati nahin bahaaron mein Dam-e-widaa jo pal bhar ko dil mein jaaga tha Woh dard doob gaya aansuon ki dhaaron mein Woh is haseen judai ka lutf kya jaanein Hamein jo log samajhte hain sogwaron mein Hum apne ghar mein akele hain aur nahin bhi hain Tumhari yaad ki khushboo hai gham-gusaron mein Tumhein qasam jo mohabbat ki aag yaad aaye Himalaya ke saman-posh barf-zaron mein Tumhein qasam jo hamara suhaag yaad aaye Mahaz-e-jang pe talwaar ke hisaron mein Kab aa rahe ho likho fath ka nishan le kar Hum intezaar mein hain nazr-e-jism-o-jaan le kar