قیصر الجعفری

English rendering

Dar-o-deewar pe hijrat ke nishan dekh aayen Aao hum apne buzurgon ke makan dekh aayen Apni qismat mein likhe hain jo virasat ki tarah Aao ik baar woh zakhm-e-dil-o-jaan dekh aayen Aao bheegi hui aankhon se padhen noha-e-dil Aao bikhre hue rishton ka ziyan dekh aayen Jis se takra ke gire the kabhi arbaab-e-khirad Aao nazdeek se woh sang-e-giran dekh aayen Waqt jaate hue kya likh gaya peshani par Aao aashuftagi-e-ahd-e-rawaan dekh aayen Toota toota hua dil le ke phiren galiyon mein Kacchi mitti ke khilono ki dukan dekh aayen Roshni ke kahin aasar to baqi honge Aao pighli hui shamaon ka dhuan dekh aayen Jin darakhton ke tale raqs-e-saba hota tha Sookhe patton ka barsna bhi wahan dekh aayen Ud rahe honge kahin jhund ababilein ke Aao sunsaan darichon ka samaan dekh aayen Ab farishton ke siwa koi na aata hoga Kon deta hai kharaabe mein azan dekh aayen Muddaton baad muhajir ki tarah aaye hain Rooth jaye na khandhar aao miyan dekh aayen