ساری دنیا کے تعلق سے جو سوچا جاتا
ساری دنیا کے تعلق سے جو سوچا جاتا آدمی اتنے قبیلوں میں نہ بانٹا جاتا دل کا احوال نہ پوچھو کہ بہت روز ہوئے اس خرابے کی طرف میں نہیں آتا جاتا زندگی تشنہ دہانی کا سفر تھی شاید ہم جدھر جاتے اسی راہ پہ صحرا جاتا شام ہوتے ہی کوئی شمع جلا رکھنی تھی جب دریچے سے ہوا آتی تو دیکھا جاتا روشنی اپنے گھروندوں میں چھپی تھی ورنہ شہر کے شہر پہ شب خون نہ مارا جاتا سارے کاغذ پہ بچھی تھیں مری آنکھیں قیصرؔ اتنے آنسو تھے کہ اک حرف نہ لکھا جاتا
English rendering
Saari duniya ke ta'alluq se jo socha jaata Aadmi itne qabilon mein na baanta jaata Dil ka ahwal na poocho ke bahut roz hue Is kharabe ki taraf main nahin aata jaata Zindagi tishna-dahani ka safar thi shayad Hum jidhar jaate usi raah pe sehra jaata Sham hote hi koi shama jala rakhni thi Jab dariche se hawa aati to dekha jaata Roshni apne gharaundon mein chhupi thi warna Shehar ke shehar pe shabkhoon na mara jaata Saare kaghaz pe bichhi thin meri aankhen Qaisar Itne aansoo the ke ek harf na likha jaata