سعید شارق

English rendering

(Hazrat Ammar bin Yaasir ki nazr) Kam pad gaya hai fan mujhe, izhaar ke liye Kya manqabat likhoon ga main Ammar ke liye! Yaasir ka aaftab, Sumayya ka mahtaab Roshan raha andheron ke inkaar ke liye Miqdad o Farsi o Abu Zarr the un ke saath Khud chal padi behisht bhi, didaar ke liye Maula Ali ka hukm, hadees-e-Ghadeer-e-Khum Kaafi hai yeh kumak, Sipah Salar ke liye Kam to nahin hai rutba o shaan-e-sahabiyat Dekho unhain bulandi-e-meyaar ke liye Yeh dil, chiragh-e-mad'h-e-sahaba o ahl-e-bait Kaash! Aaina ho naat ke anwaar ke liye