اٹنے لگی ہے سانس غبارِ ملال میں
اٹنے لگی ہے سانس غبارِ ملال میں اُڑتا ہے برگِ دِل کسی بادِ خیال میں بھرنی تھیں شب کی ناؤ میں خوابوں کی مچھلیاں اک جل پری اُلجھ گئی پھر میرے جال میں آئے نہ کیسے جام الُٹ دینے کا خیال! نشّہ نہیں رہا ہے مئے ماہ و سال میں ڈھوتا ہوں کانِ ہست سے میں کوئلہ تو کیا! چاندی چمک رہی ہے مِرے بال بال میں! سینے میں ہولی کھیلتی رہتی ہے آرزو آنسو رنگے ہوئے ہیں لہو کے گلال میں پہنا ہوا ہے صبح نے تنہائی کا لباس لپٹی ہوئی ہے شام اُداسی کی شال میں بڑھنے لگی عروسِ نگہ یُوں مِری طرف سرگوشیوں کے گُل ہیں، خموشی کے تھال میں
English rendering
Atne lagi hai saañs ghubar-e-malal mein Uṛta hai barg-e-dil kisi baad-e-khayal mein Bharni thiñ shab ki naao mein khwaboñ ki machhliyaań Ik jal pari ulajh gayi phir mere jaal mein Aaye na kaise jaam ulaṭ dene ka khayal! Nashsha nahiñ raha hai may-e-mah-o-saal mein Dhota hooñ kaan-e-hast se maiñ koyla toh kya! Chaandi chamak rahi hai mire baal baal mein! Seene mein holi khelti rehti hai aarzoo Aañsoo range hue hain lahoo ke gulaal mein Pehna hua hai subah ne tanhaai ka libaas Lapṭi hui hai shaam udaasi ki shaal mein Baṛhne lagi aroos-e-nigah yooñ miri taraf Sargoshiyoñ ke gul hain, khamoshi ke thaal mein