بہت اُمید تھی وابستہ رہ گزار کے ساتھ
بہت اُمید تھی وابستہ رہ گزار کے ساتھ سو دل بھی بیٹھتا جاتا ہے اب غبار کے ساتھ گزر رہا ہے کن انکھیوں سے دیکھتا پت جھڑ ہمارا کوئی تعلق تو ہے بہار کے ساتھ پٹخ چکی ہے مری ناؤ کو چٹان، مگر میں گِر رہا ہوں ابھی تک اُس آبشار کے ساتھ عجب نہیں کہ گِنا جائے موتیوں میں انھیں جو خواب دیکھتا ہوں چشمِ آب دار کے ساتھ سفر کِیا تھا کسی عمرِ جاوداں کے لیے مگر پلٹنا پڑا شامِ انتظار کے ساتھ شجر کا راج نہ تھا، ابر کا رواج نہ تھا پھر ایک پُھول ملا بادِ ریگ زار کے ساتھ کسی مدار کے دھوکے میں، بے خبر، شارقؔ اُلجھ رہے ہیں ستارے مرے حصار کے ساتھ
English rendering
Bohat ummeed thi wabasta rahguzar ke saath So dil bhi baithta jaata hai ab ghubar ke saath Guzar raha hai kin ankhiyon se dekhta patjhad Hamara koi taalluq to hai bahar ke saath Patakh chuki hai meri naao ko chataan, magar Main gir raha hoon abhi tak us aabshaar ke saath Ajab nahin ke gina jaaye motiyon mein unhain Jo khwab dekhta hoon chashm-e-aab-daar ke saath Safar kiya tha kisi umr-e-javidaan ke liye Magar palatna pada shaam-e-intezaar ke saath Shajar ka raaj na tha, abr ka riwaaj na tha Phir ek phool mila baad-e-regzaar ke saath Kisi madaar ke dhoke mein, bekhabar, Shariq! Uljh rahe hain sitaare mere hisaar ke saath