چیخ اُٹھّے پیڑ، کانپ گیا کوہسار تک
چیخ اُٹھّے پیڑ، کانپ گیا کوہسار تک یُوں گُرگِ غم گھسیٹتا لایا ہے غار تک دریائے شب کے پار گِرا ہے وہ مُرغِ خواب کیسے پہنچ سکوں گا مَیں اپنے شکار تک! جانے نشستِ ہست مِلے گی بھی یا نہیں! آ تو گیا ہوں بِھیڑ بھری رہ گزار تک! دُکھ جاتے جاتے جائے گا تنہا اُڑان کا بالفرض مَیں پہنچ بھی گیا اپنی ڈار تک ایسے پلک جھپکتے ہی مُرجھا گیا ہوں مَیں ششدر ہے مجھ کو دیکھ کے ابرِ بہار تک ہوتی ہے اپنے بعد کہِیں ابتدا مِری تکنے کا شوق ہے تو مِرے آرپار، تک! دیوار ہی فقط نہیں سمجھا مجھے، جہان چسپاں کیے ہوئے ہیں کئی اشتہار تک دِل کے بجائے مجھ میں دھڑکتی ہے اب مشین ہر صبح پونے آٹھ سے دن ساڑھے چار تک
English rendering
Cheekh utthay peṛ, kaanp gaya kohsaar tak Yooñ gurg-e-gham ghaseeṭta laaya hai ghaar tak Darya-e-shab ke paar gira hai woh murgh-e-khwab Kaise pahuñch sakoonga maiñ apne shikar tak! Jaane nashist-e-hast milegi bhi ya nahiñ! Aa toh gaya hooñ bheeṛ bhari rah guzaar tak! Dukh jaate jaate jaaye ga tanha uṛaan ka Bilfarz maiñ pahuñch bhi gaya apni daar tak Aise palak jhapakte hi murjha gaya hooñ maiñ Shashdar hai mujh ko dekh ke abr-e-bahar tak Hoti hai apne baad kahin ibteda miri Takne ka shauq hai toh mire aarpār, tak! Deewar hi faqat nahiñ samjha mujhay, jahaań Chaspaań kiye hue hain kai ishtehaar tak Dil ke bajaye mujh mein dhaṛakti hai ab machine Har subah paune aath se din saaṛhe chaar tak