دیکھ! دفتر میں ہوں، کام کا وقت ہے
دیکھ! دفتر میں ہوں، کام کا وقت ہے یاد آنے کا یہ کون سا وقت ہے! میرے قدموں تلے دشتِ فردا کی دُھول میری گٹھڑی میں گُزرا ہُوا وقت ہے وقت کیسے کٹے؟ زخم کیسے بھرے؟ زخم: نا زخم ہے، وقت: نا وقت ہے جانے کب خُود کو بھی وقت دے پاؤں گا! خیر! تیرے لیے،وقت تھا! وقت ہے! دستِ آئینہ میں ہے عجب ریگِ عکس یہ گھڑی ہے مِری! یہ مِرا وقت ہے! اِس جگہ تو زماں کا تصوّر نہیں تُو جہاں ہے، وہاں جانے کیا وقت ہے!
English rendering
Dekh! Daftar mein hoon, kaam ka waqt hai Yaad aane ka yeh kaun sa waqt hai! Mere qadmon tale dasht-e-farda ki dhool Meri gathadi mein guzra hua waqt hai Waqt kaise kate? Zakhm kaise bhare? Zakhm: na zakhm hai, waqt: na waqt hai Jaane kab khud ko bhi waqt de paaunga! Khair! Tere liye, waqt tha! waqt hai! Dast-e-aayina mein hai ajab reg-e-aks Yeh ghadi hai meri! Yeh mera waqt hai! Is jagah toh zamaan ka tasavvur nahin Tu jahan hai, wahan jaane kya waqt hai!