دن گزرتا ہے کہیں شام کہیں رات کہیں
دن گزرتا ہے کہیں شام کہیں رات کہیں پھر وہی سایہ لگا ہو نہ مرے سات کہیں اس لیے بھی تجھے ملتا ہوں میں اک اک کر کے روند ڈالے نہ تجھے بھی مری بہتات کہیں فاصلہ بڑھتا رہا بڑھتا رہا آخر کار میں کہیں رہ گیا اور رہ گئے وہ ہات کہیں پٹیاں باندھ کے رکھتا ہوں کہ ڈر لگتا ہے کوئی سن ہی نہ لے زخموں کے سوالات کہیں جمع ہوتا رہا ملبہ مرے اندر شارقؔ اور سیلاب نے ڈھائے تھے مکانات کہیں
English rendering
Din guzarta hai kahin shaam kahin raat kahin Phir wahi saya laga ho na mere saath kahin Is liye bhi tujhe milta hoon main ek ek kar ke Raund daale na tujhe bhi meri behtaat kahin Fasla badhta raha badhta raha aakhir kaar Main kahin reh gaya aur reh gaye woh haath kahin Pattiyan baandh ke rakhta hoon ke dar lagta hai Koi sun hi na le zakhmon ke sawalaat kahin Jama hota raha malba mere andar Shariq! Aur sailab ne dhaaye the makanaat kahin