اک اک آنسو فقط نذرِ محرّم کر رہا ہوں
اک اک آنسو فقط نذرِ محرّم کر رہا ہوں غمو! ہٹ جاؤ! میں شبّیر کا غم کر رہا ہوں مرے ہر لفظ پر زنجیرِ گریہ کے نشاں ہیں عزاداری کہاں ہوتی ہے! تاہم، کر رہا ہوں زبان و لب کو سیرابی کی خواہش ہو بھی کیسے! طلب کم ہو رہی ہے سو رسٙد کم کر رہا ہوں بنا لی چشم سے دل تک عجب کاریز میں نے اور اب اک دشت کو پانی فراہم کر رہا ہوں بچھا ہے مجھ میں جو فرشِ عزا، اشکوں سے تر ہے بظاہر چُپ ہوں اور اندر سے ماتم کر رہا ہوں کبھی سر سبز بھی ہو جائے گا یہ دشت، شارق ابھی تو دل کی سُوکھی ریت کو نم کر رہا ہوں
English rendering
Ek ek aansoo faqat nazr-e-Muharram kar raha hoon Ghamo! Hat jaao! Main Shabbir ka gham kar raha hoon Mere har lafz par zanjeer-e-girya ke nishaan hain Azadari kahan hoti hai! Taaham, kar raha hoon Zabaan o lab ko seraabi ki khwahish ho bhi kaise! Talab kam ho rahi hai so rasad kam kar raha hoon Bana li chashm se dil tak ajab karīz main ne Aur ab ek dasht ko pani faraham kar raha hoon Bichha hai mujh mein jo farsh-e-aza, ashkoon se tar hai Ba-zahir chup hoon aur andar se matam kar raha hoon Kabhi sar sabz bhi ho jaayega yeh dasht, Shariq! Abhi to dil ki sookhi ret ko nam kar raha hoon