خُود کھِڑکیاں کُھلنے لگِیں، خُود بَند ہُوا دَر
خُود کھِڑکیاں کُھلنے لگِیں، خُود بَند ہُوا دَر پِھر شام ہُوئی اور مُجھے کھانے لگا ڈر مُدّت سے مئے ہَست چَکھی تک نہیں مَیں نے اِک جامِ تَہی روز ہی کہتا ہے: مُجھے بَھر! اَب دِل میں کِسی یاد کا پَر تَک نہیں مِلتا وہ دِن بھی تھے مَوروں سے بَھرا رہتا تھا یہ تھر ہر لَمحہ اُکھڑتے ہیں کبھی پاؤں، کبھی سانس یہ وقت کی چوٹی ہے، اِسے کون کرے سَر! اِک سُوکھے ہُوئے غَم کی مَہَک آتی ہے مُجھ کو مَیں توڑ نہ پاؤں گا اُداسی کا گُلِ تَر چَل! چَل! یہ زَرِ خواب سَمیٹ اور نِکل جا! بازار نہیں ہے، یہ مِرا گھر ہے، مِرا گھر! مَیں دیکھ رہا تھا یُونہی یادوں کی پَتنگیں یَک لَخت کوئی ڈور پِھری میرے گَلے پر مَیں سامنے آتا ہوں تو کہتا ہے یہ سَیلاب: تُو راستہ روکے گا بے؟ چَل بھاگ! پَرے مَر! اُس باغ میں سَو طرح کے گُل کھِل گئے ہوں گے اچّھا! تو مَیں چلتا ہوں۔۔۔قَفَس؟۔۔۔ اوہ! ۔۔۔مِرے پَر۔۔
English rendering
Khud khidkiyan khulne lagin, khud band hua dar Phir shaam hui aur mujhe khane laga dar Muddat se mai-e-hast chakhi tak nahin main ne Ik jaam-e-tehi roz hi kehta hai: mujhe bhar! Ab dil mein kisi yaad ka par tak nahin milta Woh din bhi the mauron se bhara rehta tha yeh thar Har lamha ukhadte hain kabhi paaon, kabhi saans Yeh waqt ki choti hai, ise kaun kare sar! Ik sookhe hue gham ki mehak aati hai mujh ko Main tod na paaunga udaasi ka gul-e-tar Chal! Chal! Yeh zar-e-khwab sameet aur nikal ja! Bazaar nahin hai, yeh mera ghar hai, mera ghar! Main dekh raha tha yunhi yaadon ki patangein Yak lakht koi dor phiri mere gale par Main saamne aata hoon to kehta hai yeh sailaab: Tu raasta roke ga be? Chal bhaag! Parre mar! Us baagh mein sau tarah ke gul khil gaye honge Accha! To main chalta hoon... qafas?... oh!... mere par..