مَیں اپنے عقب میں ہوں ، گلی ہے مِرے پیچھے
مَیں اپنے عقب میں ہوں ، گلی ہے مِرے پیچھے اک گُزری ہوئی شام کھڑی ہے مِرے پیچھے کب تھک کے گروں اور مِرے اُوپر سے گزر جائے! اک راہگزر کب سے پڑی ہے مِرے پیچھے وہ دِن بھی عبث لوٹ کے آیا مِری خاطر یہ شب بھی یونہی خوار ہوئی ہے مِرے پیچھے اک بار پلٹ کر نہیں دیکھی تھیں وہ آنکھیں ہر وقت یہ لگتا ہے، کوئی ہے مِرے پیچھے! مَیں دشتِ بلا ہی سہی، ساحل تھا کسی کا اک ناؤ کہیں ڈُوب گئی ہے مِرے پیچھے کانوں میں یونہی اُنگلیاں ٹھونسے رہوں کب تک! رَہ بُھولی ہوئی کوئی ہنسی ہے مِرے پیچھے
English rendering
Main apne aqab mein hoon, gali hai mere peechhe Ek guzri hui shaam khadi hai mere peechhe Kab thak ke giroon aur mere upar se guzar jaaye! Ek raahguzar kab se padi hai mere peechhe Wo din bhi abas laut ke aaya meri khaatir Ye shab bhi yunhi khwaar hui hai mere peechhe Ek baar palat kar nahin dekhi theen wo aankhein Har waqt ye lagta hai, koi hai mere peechhe! Main dasht-e-bala hi sahi, saahil tha kisi ka Ek nao kahin doob gayi hai mere peechhe Kaanon mein yunhi ungliyan thoonsay rahoon kab tak! Reh bhooli hui koi hansi hai mere peechhe