سعید شارق

English rendering

Main khala hota tha, mujh ko kaisi dunya kar diya! Zehn mein Makka basaaya, dil Madina kar diya Chal padin madh-o-sana-e-Mustafa ki kashtiyan Kaisi baarish ne mujhe sehra se darya kar diya! Baad-e-Tayyiba ne jala di ik nayi sham-e-yaqeen Aur siyah padte hue dil mein ujaala kar diya Dekhta rehta hoon andhe pan mein bhi kuch qaafle Deed ki khwahish ne mujh ko kaisa beena kar diya! Sakht khaari ho gaya tha chashma-e-hasti mera Ishq ki ik boond ne is ko bhi meetha kar diya! Dhoond laayi mere tukdon ko Madine ki hawa Aur mujh bikhre hue ko phir ikattha kar diya