مِری چمک دمک اب جوہری کو یاد نہیں
مِری چمک دمک اب جوہری کو یاد نہیں مَیں وہ گُہر ہوں جو اپنی لَڑی کو یاد نہیں ذَرا بھی ہاتھ بٹاتی نہیں ہے گِریہ میں مِرا ہی غَم مِری افسردگی کو یاد نہیں کھڑے ہیں مدرسہءِ ہَست میں خَجِل کب سے! نہ جانے کیسا سَبَق تھا! کِسی کو یاد نہیں خُوشی تڑپتی ہے بے طرح دِل کے صَحرا میں کہاں سے لایا ہوں اِس جَل پَری کو، یاد نہیں! سَرِشک و خواب ہیں کیا چِیز! عَکس کیا شَے ہے! کِسی کے بارے میں چَشمِ تَہی کو یاد نہیں وہ دِھیمی چاپ، وہ دَستَک، وہ دُھول، وہ آنسو مَکاں کو یاد ہے سَب کُچھ، گلی کو یاد نہیں گُھمائے جاتی ہیں بَس یُوں ہی سُوئیاں، شارِق اب اصل وَقت کِسی بھی گھَڑی کو یاد نہیں
English rendering
Meri chamak damak ab jauhari ko yaad nahin Main woh guhar hoon jo apni ladi ko yaad nahin Zara bhi haath bataati nahin hai girya mein Mera hi gham meri afsurdagi ko yaad nahin Khade hain madrasa-e-hast mein khajil kab se! Na jaane kaisa sabaq tha! Kisi ko yaad nahin Khushi tadapti hai be-tarah dil ke sahra mein Kahan se laaya hoon is jal pari ko, yaad nahin! Sarishk o khwab hain kya cheez! Aks kya shai hai! Kisi ke baare mein chashm-e-tehi ko yaad nahin Woh dheemi chaap, woh dastak, woh dhool, woh aansoo Makaan ko yaad hai sab kuch, gali ko yaad nahin Ghumaaye jaati hain bas yunhi sui'yaan, Shariq Ab asal waqt kisi bhi ghadi ko yaad nahin