نیند ٹُوٹے تو کسی خواب کی تکرار نہ ہو
نیند ٹُوٹے تو کسی خواب کی تکرار نہ ہو کاش اس مرتبہ دیوار میں دیوار نہ ہو وہی بے رنگ پرندے، وہی بے سمت اُڑان بھاگتا پھرتا ہوں جس سے یہ وہی ڈار نہ ہو! کوئی پتّھر نہ لڑھک آئے دہانے پہ کہیں! یہ شبِ تار حقیقت میں سیہ غار نہ ہو! گٹھڑیاں باندھوں تو رہ رہ کے خیال آتا ہے جو سنبھالا ہے وہ سب کچھ کہیں بے کار نہ ہو! توڑنا چاہوں اندھیرے کی فصیلیں لیکن ساتھ دینے کے لیے روشنی تیّار نہ ہو اک خزانہ تو چھپا رکھا تھا خود میں ، شارقؔ کہیں یہ سانس کسی سانپ کی پھنکار نہ ہو!
English rendering
Neend toote to kisi khwab ki takraar na ho Kaash is martaba deewar mein deewar na ho Wahi be-rang parinday, wahi be-simt udaan Bhaagta phirta hoon jis se ye wahi daar na ho! Koi patthar na ludhak aaye dhaane pe kahin! Ye shab-e-taar haqeeqat mein siyah ghaar na ho! Gathriyan baandhoon to reh reh ke khayal aata hai Jo sambhala hai wo sab kuch kahin be-kaar na ho! Todna chahoon andhere ki faseelein lekin Saath dene ke liye roshni taiyaar na ho Ek khazana to chhupa rakha tha khud mein, Shaariq! Kahin ye saans kisi saanp ki phankaar na ho!