سعید شارق

English rendering

Qatra qatra nam-e-naadeeda utar jaane diya Main ne paimana-e-afsurdagi bhar jaane diya Ek shajar se yeh tawaqqo thi ke roke ga mujhe Aur us ne bhi mujhe laut ke ghar jaane diya Mera jaana bhi zaroori tha magar saaye ne Sirf saaye ko sar-e-raah guzar jaane diya Mujhe andaaza tha main thoda bahut hoon us mein So use jama kiya, khud ko bikhar jaane diya Ek shab rok di ashkon ki rasad chupke se Aur beemar padi yaad ko mar jaane diya Is tazabzub ne ghata rakhi hai raftaar meri Phir kahan jaunga main? Us ne agar jaane diya!