سعید شارق

English rendering

Rakhnon mein apni raakh ke reze samoo diye Main ne bhi kitne dukh dar-o-deewar ko diye! Toota pada tha neend ka dhaaga meri tarah So main ne is mein khwab ke moti pro diye Chehron ki bheer kaatti guzri meri nigah Aur aate aate us ke khad-o-khaal kho diye Pher bhi main teri yaad na kar paaya zeb-e-tan Har chand is qaba ke sabhi daagh dho diye Apna bhi gham manaya tere gham ke saath saath Ek taaq mein jalana pade mujh ko do diye Pal bhar ko roshni si nazar aayi thi ke phir Ek shab ne meri aankhon mein naakhun khabo diye