رنج کی بپھری ہوئی لہروں سے لڑتا رہا مَیں
رنج کی بپھری ہوئی لہروں سے لڑتا رہا مَیں دل کے ساحل پہ کہیں بنتا / بگڑتا رہا مَیں ایسا تنہا تھا کہ دو پَل کی رفاقت کے لیے اپنی تنہائی کے بھی پاؤں پکڑتا رہا مَیں تیرے جاتے ہی مَیں اک سائے سے آباد ہُوا اور بہت بار ہُوا ، یعنی اُجڑتا رہا مَیں کبھی منظر، کبھی چہرے، کبھی آنسو، کبھی خواب کتنی لاشیں تھیں جو دو قبروں میں گڑتا رہا مَیں جانے کس بات کا صدمہ تھا،(نہیں! اُس کا نہیں) کبھی خود سے کبھی اوروں سے جھگڑتا رہا مَیں مجھ کو اندر سے جکڑتا رہا اک دروازہ اور دروازے کو باہر سے جکڑتا رہا مَیں کیسے کہتا کہ اب اسکیچ نہیں بنتا مجھ سے توڑ کر سکّے یونہی پنسلیں گھڑتا رہا مَیں دم بہ دم ، ہجر کا غم ، چاٹ گیا سارا نم خشک مٹّی کی طرح راہ میں جھڑتا رہا مَیں جانے کس ہاتھ لگا ، کون سا دھاگہ، شارقؔ اک سِرا کھنچتا رہا اور اُدھڑتا رہا مَیں
English rendering
Ranj ki biphri hui lehron se ladta raha main Dil ke saahil pe kahin banta / bigadta raha main Aisa tanha tha ke do pal ki rifaqat ke liye Apni tanhai ke bhi paaon pakadta raha main Tere jaate hi main ik saaye se aabaad hua Aur bahut baar hua, yaani ujadta raha main Kabhi manzar, kabhi chehre, kabhi aansoo, kabhi khwab Kitni laashein theen jo do qabron mein gaddta raha main Jaane kis baat ka sadma tha, (nahin! us ka nahin) Kabhi khud se kabhi auron se jhagadta raha main Mujh ko andar se jakadta raha ek darwaza Aur darwaze ko bahar se jakadta raha main Kaise kehta ke ab sketch nahin banta mujh se Tod kar sikke yunhi pensilein ghaddta raha main Dam ba dam, hijr ka gham, chaat gaya saara nam Khushk mitti ki tarah raah mein jhadta raha main Jaane kis haath laga, kaun sa dhaga, Shariq! Ik sira khinchta raha aur udhadta raha main